Sanferminetako talde-bortxaketan parte hartu zuen militarrak Espainiako armadan jardun ahalko du berriz

  • Espainiako Estatuaren Defentsako Buletin Ofizialak astearte honetan argitaratu duenez, Alfonso Jesus Cabezuelo “La Manada”-ko kideari ezarritako suspentsioa bertan behera geratu da eta berriz jardun ahalko du armadan. Antonio Manuel Guerrero Guardia Zibilak ostera, oinarrizko soldata kobratzen jarraitzen du, epaimahaiak behin betiko epaia eman artean.

ARGIA @argia
2018ko uztailaren 11
Cabezuelo militarra, ezkerrean, 2016ko argazki batean. Eskuinean, aurten kartzelatik atera ostean.

Bederatzi urteko kartzela zigorra ezarri zion Nafarroako auzitegiak Cabezuelori, 2016an beste lau pertsonarekin batera emakume bat bortxatzeagatik. Duela bi urte atxilotu zituzten talde-bortxaketaren egileak eta militarrari armadan aritzeko aukera kendu zioten.

Buletinean irakurtzen denez, ekainaren 22tik aurrera dago indarrean erabakia eta hilabeteko epean jar daiteke helegitea ElDiario.es-ek informatu duenez.

Cabezueloz gain, Sanferminetako talde-bortxaketaren beste egile batek ere badu lotura Espainiako indar armatuekin: Antonio Manuel Guerrero Guardia Zibileko agenteak.

Aurtengo apirilean jakin zenez, biek Espainiako Estatuak ordaintzen dien soldataren %75 kobratzen jarraitu dute kartzelan egon diren bitartean.

Taldeko Guardia Zibila ere antzeko egoeran

Guardia Zibilak Europa Press agentziari azaldutakoaren arabera, Guerrero ere Cabezueloren antzeko egoera administratiboan aurkitzen da, “destinorik gabe aktibo”. Alegia, oinarrizko soldata kobratzen jarraitzen duela, epaimahaiak behin betiko epaia eman artean.

Bortxaketagatik atxilotua izan ostean, diziplinazko espediente bat zabaldu zitzaiola adierazi du Guardia Zibilak, eta espediente horretan oinarrituta enplegua eten zitzaiola. Epai irmoa ematen den unean, araututako prozedura bati bide emango zaiola adierazi dute, Guerrero hutsegite larriagatik zigortua izateko arriskuan jartzen duena.

Espainiako Estatutik irtetea debekatua du Guerrerok, baina pasaportea berritzeko saiakera egiteagatik, epaimahaiak bere baldintzapeko askatasunaren gainean zer erabakiko zain dago.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Indarkeria matxista  |  Espainiako armada

Indarkeria matxista kanaletik interesatuko zaizu...
2018-07-22 | Itxaro Borda
Juana Bixenta, ez etsi!

Jon Garaño eta Aitor Arregiren 2017ko Handia filmak XIX. mende erditsuko Gipuzkoa sakoneko –halakorik baldin bada– giroa hedatu zigun pantailetan: etxetiarren pobrezia larria, jabeen opulantzia, bakoitza berea ateratzen saiatzen zela, batzuek anaia baten akromegalia txanpon trukean maneiatzen zutela eta besteek, Juana Bixenta Olabe distiratsuaren pare, finean Nagusi Jaunarekin ezkontzea lortzen zuketela!


2018-07-20 | Berria egunkaria
Sei pertsona atxilotu dituzte Bizkaian, sexu esplotazioaren kontrako operazio batean

Beste hamazazpi atxilotu ditu Poliziak Kantabrian. Emakumezkoen sexu esplotaziorako sare bat eratzea leporatzen die. Poliziak Trapagarango (Bizkaia) prostituzio lokal bat itxi du.


2018-07-18 | ARGIA
Emakume bati eraso egin dio gizon batek Oreretan

Erasoa astearte goizaldean gertatu da, eta emakumea ospitaleratu behar izan dute.


2018-07-18 | ARGIA
Sanferminetako bortxatzaileentzat behin-behineko askatasuna berretsi du Nafarroako Auzitegiak

Fiskaltzak eta akusazio partikularrek helegitea jarri zuten Sanferminetako talde bortxaketan parte hartu zutenak behin behinean aske uztearen kontra, baina Nafarroako Auzitegiak atzera bota du errekurtsoa. Magistratuetako baten kontrako bozkarekin, behin-behineko askatasunean jarraituko dute ‘La Manada’ kasuko bostek.


Bortxaketaren kultura klasikoa

Grezia. K.a VII. mendea. Himno homerikoak izeneko poema sortako alerik zaharrena sortu zuten, Demeter jainkosaren berri jasotzen zuena.


2018-07-12 | ARGIA
Munduko Futbol Koparekin indarkeria matxista areagotzen dela ohartarazi du Ingalaterrako kanpaina batek

Kanpaina osatzen duten irudietan, indarkeria zantzuak dituzten emakumeen aurpegiak ageri dira, zauriei herrialde ezberdinetako banderen itxura emanez. Sudurretik odola darion emakume baten argazkiak irudikatzen du Ingalaterrako bandera, San Jorgeren gurutzea odolez marraztuta.


2018-07-10 | ARGIA
Lau gizonezko atxilotu dituzte azken hiru egunetan, emakumeen kontrako erasoengatik

Igandetik asteartera bitartean eman dira atxiloketak, Iruñean, Gasteizen eta Irunen.


Justiziari uluka

Espainiako epaitegietan justizia eskatzea eguerdian ilargi bila ibiltzearen parekoa da. Saia zaitezke, baina normalean ez duzu lortuko. Asko jota, otsoen uluak entzungo dituzu.

Ez da espainiar justiziak euskaldunak ez gaituela babesten, espainiar justizia sistema euskaldunon etsaia da.

Ez da espainiar justiziak emakumeak ez gaituela babesten, espainiar justizia sistema emakumeon etsaia da.

Ez da bakarrik botere banaketa ez dela existitzen, baizik eta epaileak eurek direla politika... [+]


2018-07-06 | Nahia Ibarzabal
Pasaportea berritzen saiatu zen 'La Manadako' guardia zibila behin-behinean aske utzi dute

Antonio Manuel Guerrero ‘La Manadako’ guardia zibila, kartzelatik irten eta hiru egunera pasaportea berritzen saiatu zen. Ostegunean egin da auzi saioa Nafarroako Auzitegian eta epaileek erabakia hartu arte libre utzi dute.


Frantziako Senatuak sexu erasoen aurkako legea onartu du

Aldeko 224 boz eta kontrako 22 jaso ditu testuak. Adingabeen «onespenik ezaren presuntzioa» kenduta pasatu denez, 15 urtez azpikoak ez babestea leporatu diote.


Azkenak
EGILEA
Eguneraketa berriak daude