"Eskozia herrialde independentea izatearekin ados al zaude?" izango da erreferendumeko galdera, eta erantzuna "Bai" ala "Ez"
Alex Salmond Eskoziako lehen ministroak aurkeztu du 2014ko udazkenerako planteatu duten independentzia erreferendumeko galdera zein izango den: "Eskoziak herrialde independentea izan behar duela uste duzu?. Erantzunak bi izango dira: 'Bai' eta 'Ez'.
Honez gain, erreferendumean parte hartuko luketen herritarren kopurua handitu nahi du, galdeketa 16 urtetik gorakoei planteatuz. Ikusi The Guardian egunkariak presidente eskoziarraren hitzalditik pasarterik garrantzitsuenak hartuz egindako bideoa (ingelesez).
Galdera ingelesez ondorengoa izango da: Do you agree that Scotland should be an independent country?. Salmonden hitzetan, "galdera laburra, sinplea eta garbia da". Galdeketari buruzko txostena aurkeztu dute, hemen kontsulta daiteke PDFan osorik.
Britainiarrek independentziaren aurka legokeen gehiengo bat dagoela uste dute, eta bi erantzuneko galdera planteatu nahi lukete, ahalik eta azkarren. Testuinguru horretan ulertu behar da duela bi aste David Cameron Erresuma Batuko lehen ministroak 18 hilabeteko epea ezarri zionekoa Eskoziako Gobernuari independentziari buruzko erreferenduma burutzeko.
Eskoziar abertzaleek ordea, denbora beren alde dagoela sinesten dute eta hirugarren erantzun bat planteatu nahi dute, ezezkoaren aldekoak banatuko lituzkeena.
Salmondek, Londresen presioak baztertu eta erreferenduma 2014ko udazkenean burutzeko asmoa berretsi du.
Bideo hau jarri du Eskoziako Gobernuak Youtuben galdeketaren berri eman eta gutxira. Bertan herritarrei 300 urtetan izan ez duten aukera historikoa dutela esanez amaitzen du Alex Salmondek.
Eskoziako lehen ministro ohi Alex Salmond atxilotu dute, bi emakumek bere aurka sexu jazarpen salaketak jarri ostean.
Alex Salmond Eskoziako lehen ministroak BBCn egindako elkarrizketa batean esan du ez duela erabakirik hartu parlamentura itzultzearen inguruan, baina ateak “irekita” daudela.
Astelehen gauean izan dute Eskoziako lehen ministro Alex Salmondek eta independentziaren kontrako kanpainako buru Alistair Darlingek independentziari buruzko bigarren eta azken telebistako eztabaida. The Guardian-ek eginiko galdeketaren arabera, Salmondek erraz irabazi duela... [+]
Estatu independente izan nahi duen erabakiko du Eskoziak 2014an eta Europa osoan helburu bera duten herrientzat erreferente bihurtu da. Krisiak indartu egin ditu mugimendu independentistak Katalunian eta Flandrian ere. Europako puzzlea pieza txikiagoz osatzen hasteko lehen... [+]
Eskoziak erreferenduma egiteko zuen oztoporik handiena gainditu da Erresuma Batuak aurrera jarraitzeko akordioa historikoa sinatu ostean. Erresuma Batuak aukera eman orduko hasi du Eskoziak prozesua.