Sahararen alde 3.000 su bola aireratuko dituzte larunbatean Zarautzen
Sahararen aldeko "desioak eskatzeko", 3.000 su bola botako dituzte zerura larunbatean gaueko 22:00etan, Zaurautzeko hondartzan. Aurreko urtean egin zuten lehenengoz 'Desioak sutan, Sahararentzat' ekimena eta izandako arrakasta ikusita errepikatzea erabaki dute. Ekimenaren inguruan, aste osorako egitaraua ere gertatu dute.
Sahararren eskubideak eta askatasuna errespetatzea eskatzeko botako dituzte 3.000 su bola zerura, aurreko urtean baino 1.000 gehiago. Aurreneko su bolak udako oporrak igarotzera Zarautzera etorritako haur sahararrek botako dituzte.
Su bolak lortzeko txartelak euro baten truke banatuko dira eta batutako dirua haur sahararren etorrera bultzatu eta kudeatzen duen Saharautz elkartearentzat izango da.
Aurten ere, argazki eta bideo lehiaketa egingo dute ekimenaren irudi ederrenak bildu eta saritzeko. Lehiaketaren inguruko argibideak zarautz.info webgunean daude, egitarauari buruzko xehetasun gehiagorekin batera.
Ondorengo bideoan aurtengo edizioaren aurkezpena eta iazko zenbait irudi jaso ditu Urola kostako Hitzak:
Arnas luzeko kazetaritza maite du Kristina Berasainek. Kazetaritza pausatua. Haimaz haima ibili da sahararrekin hizketan, kontakizunak eta testigantzak bilduz, gero horiek guztiak liburu eder batean harilkatzeko. Pasioz eta pazientziaz, ia 50 urte erresistentzian daraman saharar... [+]
Sahara, herri bat erresistentzian liburua argitaratu du Kristina Berasainek. Urte luzez jarraitu du Mendebaldeko Saharako gatazka, 2005ean BERRIA egunkariko kazetari gisa lurralde okupatuetara lehen aldiz bidaia egin zuenetik.
Mendebaldeko Sahararen alde egingo dute kontzertua hilaren 22an, Kursaalean. Bertan izango dira Oreka TX, Eñaut Elorrieta, Mikel Urdangarin, edo Minatu Embarek, Nayat Hosseinek eta Hayuh Ramsik artista sahararrak, besteak beste. Sahararrak gerran daudela ez dela ahaztu... [+]
Mendebaldeko Saharako Smara hirian urriaren 29an jaurtigaiekin izandako eraso ezezagun batek gorenean jarri du Fronte Polisarioaren eta Marokoko armadaren arteko gerra. Gaza bezala, harresi luze batez inguratuta dago herrialde osoa, eta Israelek palestinarrekin egin bezala,... [+]
Benjamin Netanyahu Israelgo lehen ministroak gutun bat bidali dio Marokoko Mohamed VI.a erregeari, "harremanak sendotzeko" pausoa emateko. Astelehenean baieztatu du asmoa dutela okupatutako Mendebaldeko Saharako Dakhla hirian kontsulatua irekitzeko.