Sagarrondoak Bernat Etxepare lizeoa laguntzeko

  • 2017ko irailean irekiko ditu ateak Bernat Etxepare lizeoaren egoitza berriak. Barnealdea hornitzeko 300.000 euro beharko dituztela aurreikusi du Bernat Etxepare elkarteak.


2016ko irailaren 21an - 10:14

2017ko irailean, Seaska sareko Baionako Bernat Etxepare lizeoak egoitza berria irekiko du. 400 ikaslerentzako lekua izango du eta 144 kiderentzako barnetegia. 10 milioi euroko aurrekontua du eraikinak eta horietatik 7,2 milioi Akitaniako Kontseiluaren diru-laguntzaz estaltzea aurreikusten dute. Gainerakoa, Herri Urrats eta hainbat kanpainaren bidez lortzen saiatuko dira, eta "eskas izanen dena, mailegu bidez".

Hornitzen beste 300.000 euro

Eraikinaren barnealdeak osatzeko ardura Bernat Etxepare elkarteak hartu du beregain, eta gelak, jangela, kirol-gunea eta barnetegian beharko diren materialetarako 300.000 euro beharko dituztela aurreikusi dute. Horretarako abiatu dute "hazten gaitu, hazten dugu" kanpaina.

Sagarrondoak lizeoaren eta ikasleen irudi

Lizeoa hornitzen lagundu nahi duten herritarrek aukera dute sagarrondoak erosteko (prezio ezberdinetakoak), lizeoaren webgunean edo txeke bat bidaliz bertara. Diruz babestutako landare hauek etxera eramango ditu norberak edo nahiago duenak "euskararen sagardian" landatzeko utzi ditzake. Hainbat Herriko Etxerekin lanean ari dira lizeoko gurasoak, "euskararen sagardia"k landatzeko lurrak lortzeko.

Sagartzea elkarteak lagunduko ditu kanpaina aurrera eramaten, eta bertako barietateak berreskuratzen egin duen lanari esker, herritarrek ondo motxa, eztika, peatxa, anisa, eri-sagarra... motako landareak eskuratu ahal izango dituzte. Sagar mota bakoitza bezala, ikasle bakoitza besteengandik ezberdina dela nabarmendu dute ekimenaren antolatzaileek, eta sagarrondo hauek euskararen eta lizeoaren irudi ere badirela: "Sagarrondoak lur eta eremu berrietan landatzen dira eta haien fruitua ematen dute. Euskarak ere bere lekua baitu hirian, lizeoa euskararen sagartze bat izanen da. Euskarak Baiona behar baitu, bainan baita Baionak euskara ere".

 


Kanal honetatik interesatuko zaizu: Seaska
Jokin Pantxeska Etxebarria. Gerrako ume, aitaita
"Hiru aldiz esan dute gorria naizela, komunista!"

Irisarriko herrigunera sartu orduko, hantxe, etxe baten atarian, ikurrina eta estelada. Jokin Etxebarriaren bizitokia duzu. Gerrako ume izandakoa, hamaika ibilera –eta hamaika baino gehiago ere bai–, han eta hemen egindakoa. 92 urtek nahi beste bizitzeko aukera... [+]


2024-03-19 | Leire Artola Arin
Beskoitzeko ikastolari 2025era arte luzatu diote lurrak erabiltzeko baimena

Herriko kontseiluaren gehiengoa lurrak ikastolari beste urtebetez alokatzearen alde agertu da, eta jarraian auzapezak dimisioa aurkeztu du. Ikastolako gurasoei eta Seaskari hitzarmen berri bat aurkeztekotan geratu da herriko etxea.


Numeriko iraunkorraren eguna Baionako Estitxu Robles kolegioan

Martxoaren 6an numeriko edo digital iraunkorraren eguna ospatu dute Baionako Estitxu Robles kolegioan. Ordenagailu zaharrak berregokitzen ikasi dute eta Ilargikoop ikasle kooperatibaren berri jaso dute.


2023-12-19 | Leire Artola Arin
Peio Jorajuria, Seaskako lehendakaria
“Ezinezkoa da Beskoitzetik ikastola bat horrela kanporatzea”

Haserre mintzatu da Peio Jorajuria Seaskako lehendakaria, Beskoitzeko Herriko Etxeak astelehenean hartutako erabakiarekin. 51 haur dituen ikastolarekin hitzarmena eten du auzapezak, eta sei hilabeteren buruan debekatuta izango dute bertan eskolak ematea. Gurasoek harridura... [+]


2023-11-20 | ARGIA
Beskoitzeko ikastolaren alde ehunka euskaltzale bildu da

2.500 euskaltzale elkartu dira Seaskak eta Euskal Herriko Ikastolen Elkarteak deitutako manifestaziora. Herriko etxeak ikastolaren eraikin berria egiteko eskariari jarritako trabak salatu dituzte eta Beskoitzeko ikastolako haurrei babesa eman diete.


Eguneraketa berriak daude