RTVEko editore batek zentsuragatik dimititu du

  • Valentzian RTVEk daukan egoitzako albistegien editore Arantxa Torresek dimititu egin du asteartean.


2018ko maiatzaren 10an - 11:26
Arantxa Torres, Valentziako RTVEko albistegietako editore ohia

RTVEren zuzendaritzak Carmen Martínez de Castro Espainiako Estatuko Komunikazio idazkariak pentsionistei zuzenduriko “izorra zaitezte” esaldia telebistan ematea debekatu ostean hartu du dimisioa aurkezteko erabakia.

Alacanteko Udalera bisita egin zuen pasa den maiatzaren 5ean Mariano Rajoyk, eta honen agerraldian azaldu ziren hainbat lagun pentsio duinak exijitzera. “Kanpora, kanpora” oihuen aurrean, egoerak “izorratu zaitezte esateko gogoak” ematen zituela adierazi zion Martínez de Castrok bere aldamenean zuenari. Iruzkina Valentziako 12tv hedabidearen izenean lanean zebilen Isabel Montaño kazetariak grabatu zuen.

Valentziako RTVEko albistegien editoreak eta zuzendariak berria albistegiaren eskaletan txertatu zuten, hainbat hedabidek egin zuten bezala. Madrildik zentsuratu egin zuten berria ordea, hau ez emititzeko ordena emanda.

RTVEko informazioaren manipulazioa jo puntuan dagoela eman du Torresek dimisioa. Aurreko astean Mujeres RTVE plataformak korporazioaren baitan ematen den informazioaren manipulazioaren berri jakitera emateko kanpaina bat abiatu zuen, TVE, RNE eta RTVEko Berriemaileen Kontseiluak PPren partetik komunikabide publikoan ematen ari den blokeoaren salaketarekin bat eginez. Dimisioak Berriemaileen Kontseiluak eta sindikatuek salaketa horrekin Diputatuen Kongresuan egindako agerraldiarekin bat egin du.


Kanal honetatik interesatuko zaizu: Manipulazioa
Analisi mediatikoa
Genozidioa zuritzeko hedabideen hamar artefaktu

Gazako inbasioak aurrera darrai, Israelgo Gobernuaren aliatu estrategikoak direlako Mendebaldeko gobernuak, eta beraz, herrialde horietako hedabide nagusiak. Israel biktima bezala aurkezteko asmoa ondorioztatzen da diskurtso nagusien azterketa semantikoa eginez gero. Eta hala... [+]


2023-02-16 | ARGIA
Desinformazioa erabiliz, mundu osoko hauteskundeak manipulatzen dituen Israelgo talde bat azalerazi dute

Hauteskundeetan eragiteko edo bestelako helburuekin, zibernetikoki manipulazioa eta desinformazioa sustatzen, dokumentuak faltsifikatzen edota zuzenean dokumentuak lapurtzen ditu Tal Hanan enpresari israeldarrak. Ikerketa kazetaritza lan batek eman du argitara, eta Kataluniako... [+]


2022-09-14 | ARGIA
Espainiako Defentsa Ministerioa harrapatu dute Kataluniako erreferendumaren Wikipediako erreferentzia bat moldatzen

Carla Simóm zuzendariaren Alcarràs filma arrakasta izaten ari da, eta asteartean jakinarazi zen Oscar sarietarako hautagaia dela. Berria ezagutu eta gutxira, filmari izena ematen dion Kataluniako herriari buruzko Wikipedia orrian Urriaren 1ari buruzko... [+]


Guda propaganda Europan
Mendebaldeko komunikabideak gerraren sustatzaile gisa ari dira

Miliziak armatu eta zibilak lehergailu inprobisatuak egitera animatzen ari dira kazetariak, normalean terrorismo gisa hartzen dituzten ekintzak.

Artikulu hau Middle East Eyek argitaratu du, hemen ikusi originala.


2021-04-23 | Ixone Arana
Agerian utzi dute VOXen manipulazioa gazte migratzaileen aurka egiteko

Madrilgo hauteskunde-kanpainan VOXek karteletan polemika eragin du adingabe migartzaileen aurka bete-betean jo duelako. Azken egunetan kartel honen edukia eta irudiaren atzean dagoen manipulazioa agerian geratu da.


Eguneraketa berriak daude