Robbo vs. Banksy


2010ko urtarrilaren 02an - 00:00
Azken eguneraketa: 2014-03-25 09:12:02

24 urte zeramatzan Robboren graffiti honek Londresko kaleetan; Regent's Camdem kanaleko paretetako batean. Zer egiten duen...miresmenak, prestigioak, errespetuak... Guri, ez zigun egun bat ere iraun herriko kaian egindako mural hark. Amorrua, ikusi ezina, autoritatea agian. Azkenean, 1985. urtetik inortxok ere ez zuela ukitu Robbok egindako graffiti hura, orain egun gutxi Banksy iritsi den arte. Originalaren gainean honakoa egin zuen Bristolen jaiotako artista ezagun eta anonimoak. Estilo ezagunean, bere erara.

Londresko graffitigileen artean ordea hautsak harrotu ditu gertatutakoak. Errespetu faltatzat eta probokaziotzat jo dute askok. Eta bada bere erara erantzun dionik ere. Paretean, berriro ere Robboren izena dago agerian. King Robbo irakur daiteke orain.

Artista ezagunak dira biak ala biak. Kaleko artisten artean aitzindaritzat dute Robbo, eta bere lanak kale bazter askotan jarraitzen dute bizirik, bera 80. hamarkadan erretiratu bazen ere. Banksy berriz 90. hamarkadan hasi zen kaleak apaintzen, eta zenbait lan ezagunak zaizkigu askori. Ofizialtasuna zalantzan eta baloreak kolokan jarri izan ditu, eta artea ulertzeko modu honek askoren erreferente bilakatu du. Hemen ere, zenbait artistek euren hastapenetako pieza ezinbestekotzat dute Banksy. Hauen artean dago Ideia Beltzen Brigada, Euskal Herriko artista talde anonimo bat. Odei eta Markelek Berrian egindako adierazpenetan, "euren eraikuntza pertsonalean" haren filosofian oinarritu direla adierazi zuten. Besteak beste Greenpeace taldearentzat egin du lan.

 

Jazarpenetik, hala moduzko onarpenera

ARGIAren 2.208. zenbakian (2009-10-18) graffitiak Euskal Herrian duen presentziari buruzko erreportajea plazaratu genuen: Jazarpenetik, hala moduzko onarpenera. 1980ko hamarkada amaieran Gasteizen lehen graffitiak egiten hasi zirenetik, Euskal Herriko hormak museo erraldoi dira. Betidanik mugimendu jazarria izan bada ere, apurka gizartearen eta erakundeen onarpena jasotzen ari da. Horretaz mintzatzeko, hainbat graffitigileren testigantzak bildu genituen, eurak baitira eguneroko borroka horretan lanean ari direnak.

Erreportajearen harira bideo hau egin genuen:

 

 


Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude