Uruguaiko payadoreak, Kubako repentistak eta Euskal Herriko bertsolariak batera ariko dira Bilbon, Gasteizen, Gernikan, Donostian, Durangon eta Iruñean. Inprobisazioa dute guztiek ikur. Hilaren 29an egingo dira aurreneko bi emanaldiak: Gasteizko Bibat museoan Mariela Acevedo eta Gabriel Luceno payadoreak eta Oihane Perea eta Manex Agirre bertsolariak ariko dira; Gernikako Elai Alai aretoan, bestalde, Alexis Diaz-Pimienta repentista eta Onintza Enbeita eta Etxahun Lekue izango dira. Azken emanaldia abenduaren 5ean eskainiko dute Durangoko San Agustin kultur gunean.