Raúl Castrok kargua utziko du 2018an
Kubako Asanblada Nazionalak Raúl Castro presidente hautatu du hurrengo bost urtetarako. Adierazi duenez, kargua legealdiaren amaieran utziko du, 86 urte dituela. “Etorkizunera begira” urratsak eman ditu Castrok eta 52 urteko Miguel Díaz-Canel hautatu du lehen presidenteorde.
Presidentearen ustez, belaunaldi berriei txanda ematea ezinbestekoa da, eta badirudi Díaz-Canel izango dela haren ordezkoa. “Etenik gabe nazioaren iraupena eta egonkortasuna mantentzearen beharra” nabarmendu du Castrok inbestidura-ekitaldian. Orain arte bere bigarrena izan den José Machado Venturak bost presidenteordetako bat izaten jarraituko du, baina bigarren mailan arituko da oraingo honetan.
Legealdi berrirako helburua Kubako eredu sozialista berritzea da. Presidentearen arabera, lehen urratsa “ekonomia gaurkotzea” izango da, ondoren “gai sakonago eta konplexuagoetan” murgiltzeko. Beti ere, premia nagusia “gizarte sozialista egonkor eta oparoa bermatzea” dela azpimarratu du Castrok.
Barneko eta kanpoko oposizioari ere mezua helarazi die, bere horretan jarraituko dutela, aurrera pausoak emanez eta herriarentzat lan eginez.
Nazio Batuen Batzar Nagusian onartu dute AEBek Kubari ezarritako blokeoa amaitzeko ebazpena: aldeko 187 boto izan ditu, aurkako bi (AEB eta Israel), eta abstentzio bat (Ukraina).
AEBetako Defentsarako Inteligentzia Agentzian analista lana egiten zuen, eta hainbat informazio sekretu helarazi zizkion Kubako Gobernuari 1984tik aurrera. 2001ean atzeman zuen FBIk, eta 25 urteko espetxe zigorra ezarri zion. Bere aurkako 2002ko epaiketan egin bezala, orain... [+]
Habanan egindako elkarrizketa baten bigarren atala izan liteke hau. 2011ko ekainaren 19an ARGIAren orrialdeetan mintzatu ginen Holguineko (Kuba) gotzainarekin. Francok estatu-kolpea jo zuen garaian Legazpiko alkate Daniel Arangurenen eta Emilia Etxeberriaren semea dugu, gurasoen... [+]
Pablo Milanés abeslari kubatarra zendu da, 79 urterekin. Madrilen eman ditu azken urteak, baina han eta hemen kontzertuak eskaini ditu, azken unera arte.