Rafael Vera Espainiako Segurtasuneko estatu idazkari ohiak idatzitako eleberrian oinarrituta dago telesaila, eta horrek haserrea eragin du Euskal Herrian. Izan ere, espetxeratuta egon da Vera hainbatetan, GAL erakundea finantzatzea, Segundo Marey bahitzea eta funts publikoak bidegabeki erabiltzea egotzita.

Telesailak Guardia Zibilak Intxaurrondon egindako torturak “estali” nahi dituela salatu dute hainbatek, eta Telecincori “historia manipulatzea” leporatu diote.

Bi atal ditu telesailak. Abenduaren 6an eman zuten lehenengoa, eta bigarren partea abenduaren 7an.

Telesailarekiko haserrea erakusten ari dira hainbat pertsona sare sozialetan, #Tele5Gal eta #Tele5TeleGal traolak erabilita.

Hacer una miniserie basada en la novela del GAL Rafael Vera no es Telebasura, es Terrorismo Mediático #Tele5Gal

— Sergio Escrache (@Cylon69) 2016(e)ko abenduak 6

"Rafael Vera GALeko kidearen nobelan oinarritutako telesaila egitea ez da telezaborra, terrorismo mediatikoa baizik".

#Tele5Gal Rafael Vera antes de escritor de #ElpadredeCain fue saqueador de las arcas públicas para financiar el GAL y sus piscinas.

— Ion Arretxe (@ionarretxe) 2016(e)ko abenduak 6

"El Padre de Caín idatzi aurretik, GAL erakundea finantzatzeko funts publikoak ostu zituen Rafael Verak". 

Los que estáis viendo #ElPadreDeCain esto hacían en Intxaurrondo @ionarretxe salió vivió.Zabalza no #Tele5Gal pic.twitter.com/hANDKtu1qb

— Altea Alcalde (@AlteaAlcalde) 2016(e)ko abenduak 6

"El Padre de Caín ikusten ari zaretenak, hau da Intxaurrondon egiten zutena. Ion Arretxe bizirik irten zen, Zabalza ez". 

Se imaginan una serie de televisión alemana sobre un campo de concentración con guión de un miembro de las SS? #Tele5Gal #Tele5TeleGal

— Ion Arretxe (@ionarretxe) 2016(e)ko abenduak 6

"Imaginatu ahal duzue Alemaniako kontzentrazio-esparru bati buruzko telesail bat, SSko kide batek idatzita?

Claro que no se le puede restar importancia a #ElPadreDeCain; es terrorismo de Estado. Está basada en la novela de un CRIMINAL condenado.

— La Nueve (@La9deAnon) 2016(e)ko abenduak 6

"Ezin zaio garrantzirik kendu El Padre de Caín telesailari, noski; estatu terrorismoa da. Kondenatutako kriminal baten eleberrian oinarrituta dago".

Con la ley en una mano y los electrodos en la otra #Tele5TeleGal

— borja garro (@BorjaXomorro72) 2016(e)ko abenduak 6

"Esku batean legea eta bestean elektrodoak".