'El padre de Caín' telesail espainiarrak GAL zuritzen duela salatu dute

  • 80ko hamarkadan kokatuta dago Telecincoren telesail berria. El padre de Caín izena du, eta Salvador Calvo zuzendariak azaldu duenez, “Intxaurrondoko kuartelean ETAren kontrako borrokan lanean ari den guardia zibil baten egunerokotasuna kontatzen du”.

Ainhoa Ortega Bretos @ob_ainhoa
2016ko abenduaren 07a

Rafael Vera Espainiako Segurtasuneko estatu idazkari ohiak idatzitako eleberrian oinarrituta dago telesaila, eta horrek haserrea eragin du Euskal Herrian. Izan ere, espetxeratuta egon da Vera hainbatetan, GAL erakundea finantzatzea, Segundo Marey bahitzea eta funts publikoak bidegabeki erabiltzea egotzita.

Telesailak Guardia Zibilak Intxaurrondon egindako torturak “estali” nahi dituela salatu dute hainbatek, eta Telecincori “historia manipulatzea” leporatu diote.

Bi atal ditu telesailak. Abenduaren 6an eman zuten lehenengoa, eta bigarren partea abenduaren 7an.

Telesailarekiko haserrea erakusten ari dira hainbat pertsona sare sozialetan, #Tele5Gal eta #Tele5TeleGal traolak erabilita.

"Rafael Vera GALeko kidearen nobelan oinarritutako telesaila egitea ez da telezaborra, terrorismo mediatikoa baizik".

"El Padre de Caín idatzi aurretik, GAL erakundea finantzatzeko funts publikoak ostu zituen Rafael Verak". 

"El Padre de Caín ikusten ari zaretenak, hau da Intxaurrondon egiten zutena. Ion Arretxe bizirik irten zen, Zabalza ez". 

"Imaginatu ahal duzue Alemaniako kontzentrazio-esparru bati buruzko telesail bat, SSko kide batek idatzita?

"Ezin zaio garrantzirik kendu El Padre de Caín telesailari, noski; estatu terrorismoa da. Kondenatutako kriminal baten eleberrian oinarrituta dago".

"Esku batean legea eta bestean elektrodoak".

"Zigortutako terrorista batek idatzitako serie bat, Europako tortura zentrorik handienean oinarrituta. "Demokrazia espainiar erara".

Kanal honetan artxibatua: GAL

GAL kanaletik interesatuko zaizu...
2017-11-20 | Miren Osa Galdona
Rafael Lopez de Ocaña: "Damu naiz Santi Brouard hil izanaz"

1984ko azaroaren 20an hil zuen Rafael Lopez de Ocaña GALeko kideak Santi Brouard Herri Batasuneko parlamentaria. El diario hedabideak elkarrizketatu egin du eta, besteak beste, egindakoaz damutzen dela baina barkamenik ez duela eskatuko esan du: “Barkamena eskatzea errespetu falta bat litzateke. Nik neuk ez nuke barkatuko eta ulertzen dut niri ere ez barkatzea. Norbait hiltzen duzunean ez dago balio ahal duen barkamenik”.


2016-10-19 | ARGIA
Felipe Gonzalezen aurka eskratxea Madrilgo unibertsitatean: "Hor dago GALen buruzagia"

Prisa taldeak antolatuta Felipe Gonzalezek Madrilgo Unibertsitate Autonomoan behar zuen hitzaldia bertan behera utzi dute, ikasleen protesta medio. "Zuek faxistak zarete terroristak" edo "hor dago GALen buruzagia" oihuka sartu dira. Atzeko atetik sartu behar izan dute Gonzalez eta Cebrianek.


2016-09-29 | ARGIA
Euskal Herrian gerra zikina erabili zutela aitortu du hitzerdika Felipe Gonzalezek

PSEk ez omen du lehenago hauteskundeetan hain emaitza txarrik izan, "egin genituenak egin arren". Espainiako presidente ohiaren hitzek estatu terrorismoa gogora ekarri eta hautsak harrotu dituzte.


'El hombre de las mil caras': Espainiako listoena

Espainiako azken hamarkadetako historia zikinenetako batean (eta hori asko esatea da) murgildu da Alberto Rodriguez zuzendaria: Francisco Paesa espioiak Luis Roldan Guardia Zibileko zuzendari nagusiaren ihesaldian eta haren atxiloketan jokatu zuen papera erakusten du.


Epaile frantziar baten galderak ETAko militante baten aurrean

Kontatzen duen istorioa oso gurea izan arren, euskal prentsan ari garenon aurretik nahiko oharkabean pasa zen François Sureauren Le chemin des morts eleberri laburra 2013an.


2015-11-11 | Ahotsa.info
Mikel Zabalza oroituko dute azaroaren 21an egia, justizia eta aitortza aldarrikatuz

Garraldan ekitaldi bat antolatu du Mikel Zabalza Herri Ekimenak bere hilketaren 30. urtemugan.


2015-09-27 | Xabier Letona
"Besterik gabe hala lagatzea... min egiten du horrek"

1983ko urriaren 16a. Joxean Lasa, Joxi Zabala eta Ramón Oñederra Kattuk elkarrekin afaldu zuten. Oñederrak ez zekien lagunak ez zituela gehiago ikusiko, gauerdi aldera bahitu zituen GALek eta egunetan torturatu ondoren Alacanten hil eta ehortzi zituzten. “Hurrengoa ni izango naiz”, esan zien ingurukoei.


2015-01-20 | Nerea Ibarzabal
"Sanctuaire", ETA eta GALi buruzko filma estreinatuko dute Miarritzen

Asteartean hasi da Fipa, Miarritzen ospatzen den Ikus-entzunezko Programen nazioarteko festibala. 28. edizioa du aurtengoa eta 130 ekoizpen eskainiko dituzte sei egunetan.


2014-11-26 | Nerea Ibarzabal
Santi Brouard, Bilboko Udalak lehenbiziko aldiz omendua

Asteazkenean omendu du Bilboko Udalak Santi Brouard, GALeko bi mertzenariok tiroz hil zuten HBko kidea.


2014-09-23 | Judith Perez
GALen biktimak omenduko dituzte Hendaian larunbatean

Gudari Egunaren harira, GALen eta errepresioaren biktimak omenduko dituzte larunbatean Hendaian. 11:30ean emango zaio hasiera ekitaldiari Beltzenia frontoian.


Azkenak
EGILEA
Eguneraketa berriak daude