Puntua aldizkari berria Goiena Klubeko bazkideek jasoko dute ostiraletan, Goiena paperekoarekin batera. 48 orri izango ditu, guztiak koloretan eta askotariko gaiak jasoko ditu.
Puntua argitaratzeak ekarriko du aurrerantzean astelehenetan ez argitaratzea Goienaren paperezko ediziorik. "Goienaren ekoizpena optimizatzea ekarriko du horrek eta balioan jartzea beste era bateko informazioa, Goienaren hedabideak eta eskaintzen dituzten edukiak osatuz", azaldu du Eneko Azkarate Goienaren edukien zuzendariak.
Ostiralean plazaratu den 1. aleak (pdf) jaso ditu, besteren artean: Aitor Luna eta Jon Gonzalez bergarar anai aktoreei eginiko elkarrizketa; langabezian dauden gazte unibertsitatetik atera berri direnen gaineko erreportajea; kick boxing kirola; umeen loditasuna; Maria Lasa tatuaje egileari eginiko elkarrizketa; edota Markeliñe antzerki taldearen azken lana.
Datozen eraldaketa sakonen aurrean euskarazko hedabideek iraungo badute, erakunde publikoei prozesuak azkartzeko laguntza eta konpromisoak eskatu dizkie Hekimenek, herri ekimeneko euskarazko hedabideen elkarteak.
Trantsizio digitalarengatik eta lehengaien garestitzeagatik, 2023 urtea zaila izan dela nabarmendu du Hekimeneko zuzendari Igor Astibiak
1988ko azaroaren 7an egin zuen lehen emisioa Iruñerriko irratiak. Urteurrena aitzaki hartuta, Zentral aretoan “musika eta hitza” uztartuko dituen ekitaldi bat antolatu dute.