PSNk Esparzari buruz egindako adierazpenak: UPNrekin paktu berria mahai gainean?
Jose Javier Esparza UPNko presidentetzarako hautagai izendatu ostean PSNk egindako adierazpenek bi alderdien arteko akordio berri baten susmoa piztu dute.
Juan Jose Lizarbe PSNko bozeramailearen hitzak jaso ditu Diario de Noticiasek. Bere esanetan bi dira Nafarroaren etorkizunerako gakoak: “Elkarrizketarako eta akordioetarako prest egotea eta autokritika”.
Yolanda Barcina Nafarroako egungo presidentearekin baino hizketarako aukera gehiago ikusten ditu Lizarbek hautagai berriarekin. Hara ere, Lizarbek uste du UPNk autokritika egin behar duela: “Gauzak gaizki egitearen erantzukizuna gobernuan egon den alderdiarena da, kasu honetan UPNrena”.
"Aurpegi aldaketa"
EH Bilduk eta Aralarrek uste dute "aurpegi aldaketa" besterik ez dela eta denak berdin jarraituko duela. I-E eta Geroa Bai ere bat datoz horrekin, haien iritziz orain arteko balioekin jarraituko dute.
PPk berriz uste du, UPNrentzat onena zen hautagaia aukeratu dutela, nahiz eta, autokritika falta sumatu duen: "Gauza asko daude UPNk gaizki egin dituenak".
Ana Beltran popularren bozeramailearen hitzetan, Esparzak argi utzi behar du Nafarroakoez gain "Espainiako ereserkia eta bandera ere beraienak direla".
Zizur Zendeako Udala (Nafarroa) UPNren hautagaitza batek gobernatzen du. 1936an Iruñean fusilatutako trenbidegileak ordezkatzen dituen Konpartsa Txikiko erraldoi baten presentziari betoa jarri dio.
Cristina Ibarrolak iragarri du UPNko lehendakaritzarako hautagaitza aurkeztuko duela datorren apirilaren 28an alderdiak egingo duen kongresuan. Alderdiaren Erriberako lerroetan iragarpena ez bide da ongi hartu.
Eguesibarreko EH Bilduk kritika egin zion UPNko udal gobernuari, Gabonetako programazioan euskarazko ekitaldi gutxi zirelako, eta Xuriñe Peña alkateak erantzun zion euskarazko ekitaldiak baztertzaileak direla euskaraz ez dakitenentzat.
UPNk oso gogor erantzun dio PSNri Iruñeko Udaleko zentsura mozioa dela medio eta inoiz ez bezalako irainak zuzendu dizkie sozialistei. EH Bildu, aldiz, ostiral goizean hasi da biltzen oposizioko taldeekin, datorren udal taldea osatzeari begira.