PSN, Ciudadanos eta UGT ere "euskararen inposizioaren aurka"

  • >Maria Chivite (PSN): "Gobernua egiten ari den hizkuntz politikaen aurka gaude, ez euskararen kontra".

    >Carlos Perez-Nievas (Ciudadanos): "Zonifikazioaren alde gaude eta ez dugu onartzen euskarak puntua dezan baztertzaileki".

    >Jesus Santos (UGT): "Euskara inposatzen ari da gobernua Nafarroaren errealitateari erreparatu gabe". 

Artikulu hau CC BY-SA 3.0 lizentziari esker ekarri dugu.

2018ko maiatzaren 17an - 08:53
Maria Chivite PSNko idazkari nagusia

Ez omen da euskararen aurkako mobilizazioa baizik eta Gobernua egiten ari den hizkuntz politikaren kontrakoa. Hala nabarmendu dute azken orduotan PSNk, Ciudadanosek eta UGT sindikatuak. Alderdi sozialistako idazkari nagusiak esan zuen "koherenteki" jokatuko dutela eta manifestazio horretan parte hartuko dutela: "Administrazioan euskara txertatzeko egin duten dekretuaren aurka gaude, ez dugu zonifikazioan aldaketarik nahi eta Nafarroako Administrazio Auzitegira ere jotzen ari gara zenbait udaletan egiten ari diren hizkuntz perfilen aurka", argitu du PSNko Maria Chivitek. Berarekin batera hitz egin dute baita Gazte Sozialistek ere (Juventudes Socialistas de Navarra): "Ez da euskararen kontrako protesta izanen baizik eta euskara inposatzeko eta alderdikoiki jokatzeko jarrera kritikatzeko baizik", adierazi du Carlos Mena Gazte Sozialisten izenean. "Euskara ondare kultural eta sozial gisa nahi dugu eta ez inposizio gisa, azken horrek bakarrik haustura soziala eraginen duelako". 

Ciudadanosek ere alderdi sozialistaren bidetik jo du: "Laukoaren gobernua egiten ari den manipulazioaren aurrean erantzuna emanen dugu kalean", adierazi du Carlos Perez-Nievasek. "Hizkuntz politika erreala behar du Nafarroak", gaineratu du. Eta uste du lauko gobernua bazterrean uzten ari dela eremu-ez euskalduna deritzona, eta ez hori bakarrik, euskara ezagutzarik ez duen herritar hori ari da diskriminatzen. "Administrazio publikoan sarbidea izateko diskriminazioa sortzen ari dira, enpresek euskara plana egin behar izatea ere inposatzea da". Bukatzeko adierazi du: "Euskara erreskatatu nahi dugu politikoki erabiltzen ari direnen eskuetatik". 

Ekainaren 2ko manifestazioan parte hartuko du baita sindikatu batek gutxienez: UGTk. "Bat gatoz zonifikazioarekin eta ez dugu onartzen euskarak puntua dezan baztertzaileki", esan du Jesus Santos sindikatuko idazkari nagusiak. 

Albiste hau Euskalerria Irratiak argitaratu du eta CC-by-sa lizentziari esker ekarri dugu ARGIAra.


Kanal honetatik interesatuko zaizu: Nafarroako Gobernua
Opus Deiren bi ikastetxe segregatzaileri DBHko ituna kenduko die Nafarroako Gobernuak

Miravalles-Redin eta Irabia-Izaga ikastetxeek 1965az geroztik dauzkate ikasleak banatuta.


Estatuaren biolentziaren 41 biktima onartze bidean da Nafarroako Gobernua

Asteazken honetan prozesu horren berri eman du Martin Zabalza motibazio politikoko Biktimen Aitortzarako eta Erreparaziorako Batzordeko lehendakariak. Ostegunean, Egiari Zor Fundazioak eta Nafarroako Torturatuen elkarteak pauso garrantzitsua dela adierazi dute Iruñean... [+]


Aierdik dio Artaxoan ez zela jaso behar Gipuzkoatik zetorren inongo hondakin likidorik

Artaxoako konpostatze plantara Gipuzkoatik Nafarroara bidalitako lixibiatuek Nafarroako Gobernuko eta Gipuzkoako Diputazioaren arteko hika-mika piztu dute. Ostegun honetan Jose María Aierdi kontseilari nafarrak gaitzetsi egin ditu atzo José Ignacio Asensio diputatu... [+]


2024-01-18 | ARGIA
Nafarroako Gobernuak Baztango Erdiz inguruan magnesita meategia eraikitzeko plana onartu du

Nafarroako Gobernuak asteazken honetan onartu du proiektua udalerriz gaindiko eragina duen plan modura (UGEP), eta horren ondorioz, Magnesitas Navarras SAk 25 urtez ustiatu ahal izango du Erdizen ireki nahi duen meatzea.


Eguneraketa berriak daude