Protestak Baionako eta Parisko karriketan, artean, Macron presidentea Antilletan

  • CGT sindikatuaren arabera 450.000 jende kaleratu da Frantzia osoan Lan kodearen erreformaren aurka, Barne ministerioak, berriz, 223.000 izan direla dio. Manifestariek Parisen 60.000 zirela zioten, poliziak berriz, 24.000. Baionan, berriz, 2.000 eta 4.000 artean izan ziren. Zenbakien eta irudien "gerra" nagusitu da lan erreformaren aurakako lehen ekinaldian. 

Mikel Asurmendi @masurmendi
2017ko irailak 13

Frantziako Gobernuak jendartearen lehen oldarrari aitzi egin behar izan dio. Luzerako doan konbate gisa hartu du Edouard Philippe lehen ministroak. Manifestari gehienak molde baketsuan ibili ziren Parisko karriketan, alabaina, hainbat gazteren oldarraldiak ere izan ziren. Zauritu bat ospitaleratu zuten, eta zazpi gazte atxilotu zituzten. Polizia eta manifestarien arteko istiluen hastapena izan liteke. Etor daitezkeen borrokaldi gogorragoen erakusle.   

Errepublikako presidentea Eliseotik urrun zegoen asteartean, Irma urakanak Antilletan egindako desmasiak ezagutzen eta kaltetuen aldeko elkartasuna adierazten. Saint-Martin uhartea izan da kolpatuena, hamaika dira hildakoak eta asko daude desagertuta. Uhartetarrak bereziak izanagatik, metropolitik urrun izan arren, Hexagonoko herritarren maila berekoak direla agertu zien presidenteak.

Macronekiko atxikimenduak behera egin du azken bi hilabetetan. Asteartean baina, Antilletan emandako itxurak, antza, hobetu du bere irudia. Herritar babesgabetuen alde paratu zen, hurbil. Presidenteak txiroekiko gertutasunaren irudia gailendu zen Errepublikan. Macron erregeak Gortea utzi zuen eta kanpainan ibili zen. Kanpaina hitzak dituen bi adieratan.

Erreformak erreforma, Frantziako Gobernuaren jarduera hedabideetan jokatzen da neurri handi batean. Atzokoa, Macronen politika liberal kapitalistaren aurkakoen eta sistema beraren hariak mugitzen dituztenen arteko zenbakien gerra izan zen. Hilabeteko lehen oldarraldia izan zen. Hilabetea amaitu artean, beste ekimen asko etorriko da. Lan-urtealdia, berriz, kolokan dago. Ikasturtea hasi baino ez da egin. Badago zer ikasia, zer lortzea. Lehenik eta behin, Gobernuaren Lan kodearen aurka dauden indar guztien batasuna erdiestea. Horixe izanen da gakoa, Lan kodearen erreforma kaltetuenen alde paratu ahal izateko.   

Kanal hauetan artxibatua: Frantziako Lan Erreforma  |  Baiona

Frantziako Lan Erreforma kanaletik interesatuko zaizu...
2017-09-24 | Juan Mari Arregi
"Munduko alferrok, batu zaitezte"

Milaka langile, frantziar zein euskaldun, kalean erakusten ari dira greba eta manifestazioekin Macronek Frantziako Estatu osoan inposatu nahi duen lan erreformaren kontra daudela.


2017-09-21 | Mikel Asurmendi
Mugarik gabeko ekimenak Santiago zubian Lan kodearen aurkako protestetan

Biriatuko autobideko ordainlekuan egindako protestekin abiatu dira Lan erreformaren aurkako ekimenak. Mobilizazio bateratua hasi aitzin, sindikatu batzuetako kideek ordainlekua blokeatu dute eskubide sozialak aldarrikatuz.


2017-09-21 | Mikel Asurmendi
Lan erreformaren aurkako mobilizazioek Hendaia eta Irun lotuko dituzte gaur goizean

Frantziako lehen ministroaren bisita iragarria bazen ere, Edouard Philippe ez da Hendaian izango. Haren ordez, estatu idazkari Julien Denormandie espero dute Herri txikien XX. Biltzarrean. Sindikatuek antolatutako mobilizazioek indarrean segitzen dute.


2017-09-12 | Mikel Asurmendi
Frantziako lan kodearen aurkako fronte soziala zatituta

Frantziako Gobernuak lan kodea erreformatzeko erabili dituen ordenantzen aurkako mobilizazioak hasi dira goizon. Goizeko 10:30etan, Baionako Santa Ursula plazatik abiatuko da lehen manifestazioa.


2016-09-15 | ARGIA
Iraila hemen da, lan erreformaren kontrako protestak ere bai

“Irailean elkar ikusiko dugu”. Halaxe abisatu diote abuztu sargorian behin baina gehiagotan sindikatu eta norbanakoek Frantziako errepublikako presidente Hollanderi. Iraila hemen da, eta hamabost bete dituenean, kurtso berriko lehen mobilizazio handia egingo dute hamaika hiritan Lan Legea indargabetzea eskatzeko. Baionan manifestazioa deitu du Jusqu’au retrait kolektiboak.


Frantziako Gobernuak dekretu bidez onartu du Lan Erreforma, mobilizazio artean

Eztabaidarik eta botoa emateko aukerarik ez da izan Frantziako Asanblada Nazionalean. Manuel Valls Frantziako Lehen Ministroak uztailaren 5ean Lan Erreforma dekretu bidez onartuko dela adierazi du. Maiatzean ere bide hau erabili zuen Alderdi Sozialistak, lehenengo irakurketan legea onartzeko.


Jendetza bildu da Parisko Bastilla plazan, lan erreformaren aurkako protestan

Antolatzaileen arabera, 55.000 lagun bildu dira, eta 200.000tik gora Frantzia osoan. Poliziak 30 lagun atxilotu ditu manifestazioaren aurretik.


Claude Larrieu gogoan izan dute lan erreformaren kontrakoek Baionan

Mendi istripuz larunbatean hil zen Jusqu’au Retrait kolektiboko kide eta NPAko militanteari omenaldia egin diote San Izpirituko zubian.


2016-06-27 | ARGIA
Frantziako sindikatuen astearteko manifestazioa baimendu egin du poliziak

Frantziako poliziak baimendu egin du sindikatuek lan erreformaren aurka Parisen deitu duten manifestazioa. Astearte arratsaldean bozkatuko du Senatuak gobernu sozialistak aurkeztutako lege proiektuaren inguruan.


2016-06-26 | Jakes Bortairu
Borrokan su eta ke lan legea kendu arte!

Pasa den martxoan hasi zen, modu atipikoan: internet bidezko izenpetze bilketa eta sare sozialetan deialdi bat. Hiru hilabete berantago El Khomri izeneko lan legearen kontrako mugimenduak irauten du. Zergatik? Hamarkadetako borroken ondorioz langileria babesteko sortu zen lan kodearen kontrako eraso latza da lege proiektua. Arauen hierarkia hankaz gora ezartzen du, erran nahi baitu, orain arte enpresa edo sektore mailan adosturiko hitzarmenek legean finkaturiko minimoen gainetik izan behar... [+]


Azkenak
EGILEA
Eguneraketa berriak daude