Protesta egin dute martxoaren 3ko gertakariak oroituz
Milaka pertsonek egin dute protesta 1976ko martxoaren 3ko gertakariak oroituz; antolatzaileen arabera, 12.000 herritarrek esku hartu dute manifestazioan. Ostegunean 40 urte bete ziren.
Martxoak 3 Plazara iristean, biktimen familietako bi kidek hartu zuten hitza. Haien aburuz, “40. urteurrenaren harira antolatu diren zitak ikusita, amaitu da biktimek urtetan jasan behar izan duten ahanztura”. Bestalde, gertaturikoa onartzea eta biktimak politikoki zein judizialki errekonozitzea eskatu zioten Espainiako Gobernuari.
Egun hartan hildako bost langileak eta zauritutako ia ehun pertsonak omentzeaz gain, horientzat “justizia” eta “terrorismoaren biktima” aitortza eskatu zuten. ELA, LAB, ESK eta Steilas sindikatuek antolaturiko manifestazioak hainbat alderdi politikoren babesa izan du.
Instituzioek ere esku hartu dute protestan; Gorka Urtaran Gasteizko alkateak eta Ramiro Gonzalez Arabako ahaldun nagusiak izan zuten oroitarrietan loreak uzteko ardura. Urtaranek proposatu du martxoaren 3ko gertakariak auzitara eramatea; Udala akusazio gisa aurkeztuko litzateke. Alkatearen proposamena aztertuko dute alderdiek.
Espainiako poliziak tiroz hil zituen Pedro Maria Martinez Ozio, Romualdo Barroso, Jose Castillo, Francisco Aznar eta Bienvenido Pereda, lan baldintza duinak aldarrikatu nahian Gasteizko San Frantzisko elizan egindako langile batzarretik irtetean.
Segurtasun sailburuak adierazpenak egin ditu astearteko gobernu bilera ostean. Xuhar 16 urteko gaztea bera egin du inauteritan jasotako lesio larrien erantzule, eta Ertzaintzak Martxoak 3ko manifestazioan poliziak infiltratu zituela onartu du, “polizia demokratiko”... [+]
Asteazkenerako agerraldi masiboa deitu dute Gasteizko Martxoak 3 plazan, “errepresiorik gabeko Martxoak 3 herrikoiaren alde”. Aske antolakundeak astelehenean egin du protesta, eta atxilotuei elkartasuna adierazi die. EH Bilduk eta Elkarrekin Podemosek azalpenak... [+]
Ertzaintzak bere agente bat infiltratu zuen Gasteizko Martxoaren 3ko manifestazioetan, Segurtasun Saileko iturri batek eldiario.es hedabideari baieztatu dionez. Lankideek beraiek jipoitu zuten manifestazioan izan ziren karga eta istiluetan.
Milaka herritar batu dira igande eguerdiko manifestazioan. Polizia manifestarien aurka oldartu da Bakea kalean, Corte Inglés parean, eta manifestazioa zatitu du. Bost lagun atxilotu ditu Ertzaintzak eta hainbat zauritu, tartean adineko emakume bat ahoan, foam jaurtigailu... [+]
Igandean egingo da manifestazio nagusia, ESK, LAB, ELA eta Steilas sindikatuek eta Martxoak 3 elkarteak deituta. Palestinari aipamen berezia egin diote lau sindikatuek. Egun berean zein aurrekoetan deialdi eta ekimen gehiago antolatu dituzte hainbat eragilek.