Guardia Zibilaren zitazioa jaso duten presoen senideek deklaratzeari uko egingo diote
Etxeratek jakinarazi du Guardia Zibilarengandik zitazioak jaso dituztela 127 senidek eta ez direla joango. Intxaurrondoko eta La Salveko koarteletara deklaratzera joateko dei egin diete. Zergatik deitzen dieten azaldu ez dieten arren, prentsaurrekoan adierazi dute uste dutela abokatuen atxiloketen harira dela.
Maider Alustizak eta Urtzi Errazkinek hartu dute hitza 100dik gora senideren babesarekin, eta haserre mintzatu dira adieraziz "senideen kontrako presio berri bat" dela. "Senideok zerbait badugu, duintasuna dugu. Ez dago ezer ankerragorik senide bat zigortzea baino, bere senide presoari mina emateko".
Senide bakoitzak idatzi bana bidali dio Guardia Zibilari adieraziz ez dela joango. "Nahikoa da! Falta zena, senideok kuartelera deklaratzera joatea! Euskal Herrian badakigu zer den kuartelera joatea". Euskal gizarte osoari babesa eskatu diote.
Hitzordua ez dela judiziala nabarmendu dute, eta epaitegietatik jaso izan balute joango zirela, baina Guardia Zibilaren bidez datorrenez, ez direla joango.
Espainiako Auzitegi Nazionaleko Manuel Carcía Castellón epaileak sei pertsona epaituko ditu Ongietorrien auzian: Antton López Ruiz Kubati, Kai Saez de Egilaz, Pipe San Epifanio, Haimar Altuna, Oihana Garmendia eta Oihana San Vicente. Guztiak Sortuko kideak... [+]
Astelehenean jakinarazi du albistea Etxerat elkarteak. Otxandioko preso politikoa baldintzapeko askatasunean zegoen 2023ko martxoaz geroztik.
Kontzertuen bidez euskal preso eta iheslariak laguntzea da xedea. Aurten, Rakatapunk, Xutik eta Esne Beltza dira egitarauan.