Presoen esku-lan merkea, enpresa handien negozioa

  • Birgizarteratze programen atzean ezkutatuta, enpresa asko aberasten ari dira Espainiako Estatuko espetxeetako presoen esku-lan merkeari esker. Soldata ezdeusak kobratuta eta lan-eskubiderik gabe, 12.000 preso inguruk egiten dute lan Santander bankua bezalako enpresa handientzat.


2014ko azaroaren 20an - 00:00
Azken eguneraketa: 2015-02-26 13:37:33
Lan-ordua 50 zentimo ordaintzen diete presoei bataz beste, eta hilabetean ez dago 200 eurotik gorako soldatarik. (Arg: Pablo Nosti)

Kartzelan dagoen jendeak oso gaizki ordaindutako lanak egiten dituela kontu ezaguna da, baina orain lan horren kontura etekina ateratzen dutenen izan-abizenak plazaratu dira, Atlántica XXII webgunean irakur daitekeenez.

Pujol Ferrusola familia, Telefonica, El Corte Ingles, Santander, ACS… enpresa horiek zerrendatu ditu Amadeu Casellas preso ohiak, Un reflejo de la sociedad. Crónica de una experiencia en las cárceles de la democracia liburuan (euskaraz, Gizartearen isla. Demokraziaren kartzeletako esperientziaren kronika) liburuan. Kosturik gabe, milioika euroko irabaziak lortzen dituzte enpresek espetxeratuen lanarekin, Casellasen arabera.

Lan-ordua 50 zentimo ordaintzen diete presoei batez beste, eta hilabetean ez dago 200 eurotik gorako soldatarik. Horrela salatu du Andaluziako Giza Eskubideen aldeko erakundeak. Automobil enpresak, bodegak edo garbiketa enpresak dira, besteak beste, esku-lan merkeaz baliatzen direnak.

El Corte Ingles, gainera, bi norabidetan aberasten da. Presoak baldintza prekarioetan lanean edukitzeaz gain, eurek dira gero produktuak erosten dituztenak. Izarak, oheak, mantak, mahaiak… enpresak denetik bidaltzen du kartzeletara.

100 enpresa eta 500 partikular inguruk kontratatzen dituzte presoak, nahiz eta zifra errealak jakitea zaila den, ez baitira publiko egiten. Espetxe-instituzioen baitako lan-erakundeek bideratzen dituzte kontratazio horiek.

EAEko kartzeletan dauden presoek Eroski eta Citroënentzat egiten du lan.

Kartzeletako jendea, babesik gabe

Lan horiek egiten dituzten presoen kopurua hirukoiztu egin da azken hamarkadan, baina esplotazioa salatzen duten ahotsak ere ugaritu egin dira.

Soldata urriak izateaz gain, langileek ez dute ez aparteko ordainsaririk ez oporrik izateko eskubiderik. Sindikaturik ere ez dutenez, salaketak egitea ere ezinezkoa da.


Irakurrienak
Matomo erabiliz
Azoka
Kanal honetatik interesatuko zaizu: Espetxe baldintzak
2024-03-18 | Gedar
Kataluniako 5.000 preso konfinatuta izan ditu Generalitateak

Kartzeletako funtzionarioen protestak aitzakiatzat hartuta, milaka preso erabat giltzapetuta eduki dituzte Kataluniako sei espetxetan.

 


Zaballako espetxean hildako Oroitz Herreroren senideak
"Gu horrela tratatu bagaituzte, zer ez dute egingo espetxe barruan"

Iragan astean Oroitz Herrero 26 urteko irundarra hilik aurkitu zuten Arabako Zaballa espetxeko bere ziegan. Eusko Jaurlaritzaren arabera “heriotza naturala” izan zen. Gaztearen senideek ARGIAri adierazi diote, ordea, Herrerori ez diotela arreta mediku egokirik eman... [+]


2024-02-07 | Hala Bedi
Preso bat hil da Zaballako espetxean, bi urtean hirugarrena

Eusko Jaurlaritzak espetxeen transferentzia bere gain hartu zuenetik, duela bi urte eskas, laugarren heriotza izan da euskal kartzeletan, hirugarrena Zaballako espetxean.


Espetxeko azken heriotza “izebergaren punta” besterik ez dela dio Salhaketak

Salatu du larunbatean bere burua urkatu zuen presoari ez zitzaiola suizidioen aurkako protokoloa ezarri eta ziegan bakarrik zegoela, aurreko egunetan “ondo ez zegoela” adierazi bazuen ere. Azpimarratu du Jaurlaritzak espetxeen eskumena hartu zuenetik bere buruaz... [+]


Preso bat topatu dute hilik berriro ere Zaballa espetxean

Salhaketa Arabak eman du heriotzaren berri. Elkartearen arabera, 47 urteko jatorri hegoamerikarreko gizonezkoa da hildakoa, eta bere burua urkatu du. Jaurlaritzak espetxeen eskumena hartu zuenetik Arabako espetxean hiltzen den bigarren presoa da.


Eguneraketa berriak daude