Presoen aldeko elkartasuna irudikatu dute 11.000 lagunek Parisen

  • “Bakea Euskal Herrian, orain presoak” lemapean, 11.000 lagun batu dira Parisen arratsalde honetan. Euskal Herriko xoko guztietarik hurbildu da jendea eta guztien artean bete dute 10.000 manifestari biltzeko helburua. Alderdi eta kargu ezberdinetako hautetsiak ere egon dira, presoen aldeko elkartasunak biltzen duen aniztasunaren seinale.

Jenofa Berhokoirigoin @Jenofa_B
2017ko abenduaren 09a

“Finkatu helburu eta aurreikuspen guztiak gainditu ditugu” erranez borobildu du arratsalde honetan euskal preso politikoen alde Parisen egindako manifestazioa Anais Funosas Bake Bideako presidenteak. Orotara 11.000 lagun batu dira euskal presoei aplikatzen zaizkien salbuespen neurrien bukaera exijitzeko. Hori baino gehiago, bake prozesuaren alde inplikatzea eskatu diete beste behin ere Frantziako zein Espainiako gobernuei. Euskal Herriko xoko guztietarik bertaratu da jendea eta guztien artean bete dute 10.000 manifestari biltzeko helburua.

Joaldunek bidea irekirik, jendarte zibileko eragileek eta hautetsiek osatu aniztasunak eraman du “bakea Euskal Herrian, orain presoak" lemadun banderola. Michel Tubiana eta Mixel Berhokoirigoin bake artisauak, Etxerateko Joana Haramburu, Florence Lasserre, Vincent Bru, Max Brisson, Frederique Espagnac, Jean Lassalle, Denise Saint Pé Frantziako parlamentariak baita Euskal Elkargoko buru den Jean-René Etxegarai eta Lucien Betbeder Auzapezen Biltzarreko presidentea ere egon dira lehen lerroan. “Etxean nahi ditugu” mezua zabaltzen egon dira hauen atzetik Etxerateko kideak.

“Egia da horrelako momentu batek plazerra eta indarra ematen digula. Espero dut orain Frantziako Gobernuak entzunen gaituela eta gaurtik goiti gauzatuko dituela presoen alde doazen aldaketa batzuk", zioen Haramburuk manifestazio hastapenean. Bera egon da, halaber, manifestazio bukaerako hizlarien artean, presoen eta iheslarien arazoaren konponketa "premiatsua" dela erranik, "etxean eta bizirik" behar direla erranez bukatu du hitz-hartzea.

Fabienne Servan Schreiber zinegile ospetsuak bere aldetik “paradigma aldaketarako” deia luzatu zien Estatuei mikrofonotik, bakearen aldeko neurriak galdetuz. Bertan egondako gehienek Aieteko Adierazpena zuten gogoan, eta are gehiago, geroztik estatuen partetik egondako inplikazio-eza. “Aietez geroztik egondako isiltasun astuna irain gisa hartzen dugu”, erran du Jean-René Etxegarai Euskal Elkargoko lehendakariak mikrofonotik. Izan preso erien askatzea, presoen hurbilketa zein baldintzapeko askatasunen lorpena, Frantziako Gobernuak eman beharreko urratsetan direla ohartarazi du Servan Schreiber ekoizleak: “Neurri hauek Frantziako legedian dira, legea bete behar dute!”.

Duela urte bat Luhusoko ekimenean egondakoak baita apirilaren 8ko ETAren armagabetzea ahalbidetu duten bake artisauak txaloz eskertuak izan dira ere: “Pauso hauek gabe, gaurkoa ez zen posible izanen”, Funosasen hitzetan. Oholtzan egon dira Tubiana eta Berhokoirigoin. Aitzina segitzeko determinazioa adierazi du Tubianak: “Ez dugu amore emanen eta ez dugu inor bazterrean utziko”. Frantziako Gobernuari ez ezik, Espainiakoari ere luzatu dio mezua Berhokoirigoinek: “Hemen gaude Paris mugiarazteko, baina Madrilek ere mugitu behar du”. Presoen alde urtarrilean Bilbon eginen den manifestaziorako deia luzatu dute oholtzatik.

Aldarriak ez dira soilik oholtza gainetik hedatu. Frantsesez zein euskaraz, presoen aldeko oihuak anitzak izan dira. Fermin Muguruzaren gisa, artista parrasta bat ere aritu da manifestazioko giroa berotzen.

Manifestazioa bukatu bezain laster, eguraldi hotza hor utzirik, karriketan gaindi abiatu da jendea. batzuk autobusa edota trena hartzera, beste batzuk, taberna barne batera berotzera.

Kanal hauetan artxibatua: Euskal preso politikoak  |  EPPK  |  Paris  |  Frantziako Gobernua

Euskal preso politikoak kanaletik interesatuko zaizu...
2018-01-18 | Anboto
Ramon Aldasoro preso otxandiarra aske gelditu da

Ramon Aldasoro euskal preso otxandiarra aske gelditu da gaur goizean. Etxeratek jakitera eman duenez, 20 urteko espetxe zigorra bete ostean Aldasoro kalean da.


2018-01-17 | ARGIA
Ibon Iparragirre euskal presoa Arrasatera bidean da, Aita Menni zentroan artatu dezaten

Berriak argitaratu duenez, larriki gaixo dagoen euskal presoa Arrasateko Aita Menni zentrora eramango dute aurki.


2018-01-16 | Andoni Mikelarena
Frantzia eta Espainiako Estatuek diote koordinatuta daudela euskal presoen gerturatzearen auzian

Joan den larunbatean, urtarrilak 13, euskal presoak Euskal Herritik gertuen dauden espetxeetara gerturatzen hasiko dela jakinarazi zuen Parisek. Madrilek dio erabaki horren jakitun zela, nahiz eta gaur gaurkoz Espainiar Estatuak ez dituen gerturatuko.


2018-01-16 | Axier Lopez
Motxiladun jeltzaleak

Ez da ahuntzaren gauerdiko eztula kaleko giro politiko apalduko Euskal Herri “normalizatu” honetan 100.000 lagun kalera ateratzea, are gehiago eguraldi petralak PPren nahiekin bat egiten duenean. Iazko 80.000 lagunek, 2014ko 130.000ek edo aurtengo manifestariek, kopuruak kopuru, agerian utzi dute preso politikoen aurkako salbuespen neurriak bertan behera uzteko nahia sakon errotuta dagoela. Euskal Herriko aldarrikapenik zabalena eta transbertsalena izaten jarraitzen du.


2018-01-16 | Andoni Mikelarena
AVT Frantziako Justizia Ministerioarekin bilduko da euskal presoak ez gerturatzeko eskatzeko

Datozen asteetan hasiko dira Frantzia euskal presoak gerturatzen. Horren inguruko xehetasunak emateko, urtarrilaren 24an bilera egingo du Frantziako Justizia ministerioak Marimar Blanco AVTko lehendakariarekin.


2018-01-15 | Lander Arbelaitz
Zazpi hizkuntzatan azpititulatu dute dagoeneko "Motxiladun umeei" buruzko 'Ur Handitan' saioa

Joan den astean ETB1 katean emititu zuten Ur Handitan saioa beste hizkuntzetan eskuragarri jartzeko ekimena abian da. Astebetean ondorengo hizkuntzetara itzuli du jendeak: gaztelaniara, frantsesera, katalanera, asturierara, galizierara eta ingelesera. Astelehen gauean alemanierara itzulpena amaitu dute eta hau da zazpigarren hizkuntza.


2018-01-13 | ARGIA
100.000 lagun inguru bildu dira Bilboko kaleetan euskal presoen eskubideen alde

Sare herritararrak antolatuta, Bilboko La Casillatik abiatu da manifestazio burua 17:30ean, Elkarrekin aurrera egiteko prest gaude gaur goiburupean. Gara-ren kontaketaren arabera 95.000 pertsona izan dira. Hemen jarraitu daiteke manifestazioa, Dani Blancoren argazkien bidez.


2018-01-13 | ARGIA
Frantziako Gobernua euskal presoak hurbiltzen hasiko da datozen asteetan

Vocento taldeko egunkariek eman dute berria larunbat honetan, Frantziako Gobernuaren iturrietan oinarrituta. Ondoren Bakearen Artisauen taldeko Txetx Etxeberrik baietsi du albistea Radio Euskadin egindako adierazpenetan.


2018-01-11 | Uriola.eus
Sarek larunbateko ekintzen egitaraua aurkeztu du

Ekintzarik nagusiena arratsaldeko 17:30ean La Casillatik irtengo den manifestazioa izango da. Elkarrekin aurrera egiteko prest gaude izango da aurtengo leloa, eta hiru helburu zehatz edukiko ditu: giza eskubideak, konponbidea eta bakea.


Azkenak
EGILEA
Eguneraketa berriak daude