Gure mugimenduak ez du uste Aitzol zein gainontzeko preso gaixoen egoeraren larritasuna eurek, preso gaixoek alegia, egiten dituzten protesten araberako larritasunik dutenik, hau da, ez dugu uste Aitzol Gogorzaren egoera oso larria denik Aitzolek gose greba egitea erabakitzen duelako, baizik eta gose greba hori egitera bultzatu duten arrazoiak oso larriak direlako baizik.

Ezin dugu onartu kaleko presioa preso eriek sentitzen duten indarraren araberakoa izatea, are gutxiago estatuen errepresio adierazpen krudelaren estrategiak borrokalari hauek indarrik gabe uztean datzanean.

Indarra kaletik egin behar dugu preso gaixoak ahalik eta lasterren kartzelatik irten daitezen. Adierazitakoagatik, publiko egindako bi deialdi hauek mantenduko ditugu:

-Astelehenean, abuztuak 15, 12:00etan prentsaurrekoa Etxarriko plazan. Ekimen garrantzitsua aurkeztuko dugu.

-Asteartean, abuztuak 16, 19:00etan kontzentrazioa Basauriko kartzelaren aurrean. “Preso gaixoak kalera!”

*   *   *

Bestalde atzo, 12an, ostiralez, 60 pertsona inguru batu dira Amurrion egindako elkarretaratzean Aletxu Zobaran amurriotarra eta Ibon Goieaskoatxea busturiarrarekin elkartasuna adierazteko Valenceko kartzelan mantentzen ari diren borrokaldiaren aurrean.

         Aletxu eta Ibon Euskal Herritik 1000 kilometrotara daude Europako etorkizuneko kartzelen eredua izan nahi duen sarraski gune berri honetan, eta presoen arteko sakabanaketaren zein haien herritik urruntzearen aurka mitardean (Frantziako kartzeletako isolamendua) sartu dira eta bisitei uko egiten ari zaizkie.

Euskal Herrian, 2016ko abuztuaren 12a.

Amnistiaren Aldeko eta Errepresioaren Aurkako Mugimendua.