Preso gaixoei indarrean dagoen legedia aplikatzeko eskatu du Nafarroako Parlamentuak

  • Geroa Bai, EH Bildu, Podemos-Ahal Dugu, PSN eta I-Eren aldeko botoak jaso ditu ebazpenak. UPNren eta PPNk aurkako botoa eman dute.

Euskalerria irratia @fm983irratia
2017ko azaroaren 10a
Sare plataformak agerraldia egin zuen Parlamentuan, gaixotasun larri eta sendaezinak dituzten hiru nafar presoren egoeraren berri emateko

Parlamentuaren Osoko Bilkurak, Geroa Bai, EH Bildu, Podemos-Ahal Dugu, PSN eta I-Eren aldeko botoekin eta UPNren eta PPNren aurkako botoekin, gaur onetsi duen ebazpen batean, Legebiltzarrak “txosten mediko egiaztatuen arabera gaixotasun larria eta bizi pronostiko laburra edo pairamen sendaezinak dituzten presoen kondenak arrazoi humanitarioengatik berrikusteari buruz indarrean dagoen Estatuko eta nazioarteko legeriaren oinarrizko zioak eta printzipioak sostengatzen ditu”.

Ildo horretan, Foru Legebiltzarrak adierazten du bere borondatea dela “gaixotasun larriak dituzten nafar presoak espetxetik kanporatuak izan daitezen, lege indardunei jarraikiz, edo dagozkien neurri aringarriak aplika dakizkien”.

Nafarroako Parlamentuak, onetsitako ebazpenaren bigarren puntuan, “Espetxe Erakundeetako Zuzendaritza Nagusiaren 3/2017 jarraibideak, pairamen sendaezinak dakartzan gaixotasun oso larria dela-eta txosten medikoa emateko eta espetxetik ateratzeko prozeduraren gainekoak, ezartzen dituen alderdi murriztaileak arbuiatzen ditu, batez ere jarraibide horrek ‘oso epe laburrean hiltzeko arrisku nabarmen’ gisa kalifikatzen dituen kasuetan, bai eta Barne Ministerioak eman dion interpretazioa ere, kontra egiten baitie espetxe araudiaren espirituari eta gizatiartasun-printzipiorik oinarrizkoenei, bai eta erabaki horiek ustez hartu beharko lituzketen sendagileen printzipio deontologikoei ere”.

Era berean, jada hirugarren atalean, Legebiltzarrak agintari eskudunei eskatzen die “protokolo argi bat egin dezatela, hartara, Zigor Kodearen 91. artikuluarekin eta oinarrizko printzipio humanitarioekin bat etorriz, Espetxe Administrazioak arrazoi humanitarioengatik espetxe zigorraren forma arinagoak eskatu ahal izan ditzan, presoaren eskariz”.

Protokolo horrek zehaztu behar ditu “neurri hori aplikatzeko gertatu behar diren inguruabarrak, kasu bakoitzari buruz isilpeko txostena emanen duen Adituen Batzordearen sorrera, adituok hartutako erabakia errekurritzeko aukera, erabakia jakinarazteko epeak eta abar”.

Azkenik, Nafarroako Parlamentuak “Estatuko espetxeetako medikuntza unitateen ekipamenduan hobekuntza handia egiteko eskatzen die agintari eskudunei, bereziki osasun mentaleko unitateetan, eta presoentzako desintoxikazio programen eskaintza handitzeko, Europako gomendioak bete daitezen eta gaixorik dauden preso guztiek behar duten tratamendu espezifikoa jaso ahal dezaten”. Halaber, “suizidioei aurrea hartzeko protokoloan behar diren hobekuntza guztiak egin ditzatela” eskatzen die agintari eskudunei.

UPNren zuzenketa

Ildo berean, UPNk ordezteko zuzenketa bat aurkeztu du baina ekimenaren bultzatzaileek, Geroa Baik, EH Bilduk, Podemos-Ahal Duguk eta I-Ek atzera bota dute. Ekimenaren titularrek “indarrean dagoen estatuko eta nazioarteko legeria errespetatzeko” eskatu dute, “arrazoi humanitarioengatik kartzela zigorra arintzeko protokolo bat” premiatuz eta “mediku unitateen -bereziki osasun mentaleko- ekipamendua hobetzeko” eskaera egin dute, baita “suizidioaren prebentziorako” formulak sortzeko ere.

Geroa Bai, EH Bildu, Podemos-Ahal Dugu eta Izquierda-Ezkerrak sustatutako ebazpenaren zioen azalpenean azaltzen da nola Sare plataforma herritarrak agerraldia egin zuen Parlamentuan, gaixotasun larri eta sendaezinak dituzten hiru nafar presoren egoeraren berri emateko. Espetxe arloko legerian aurreikusita dago horrelakoak kartzelatik ateratzea edo zigorra arintzeko neurriak aplikatzea, baina preso horiei ukatu egin zaie.

Proposatzaileen esanetan, “defizit humanitarioa are gordinagoa da kolektibo jakin batzuetan, esate baterako euskal presoen kolektiboan”. Adibide gisa Espetxe Erakundeetako Zuzendaritza Nagusiaren 3/2017 jarraibidea aipatzen dute. Beraren arabera, kartzelatik atera daiteke “heriotza aurreikusten bada, arrazoizko ziurtasunarekin, epe guztiz labur baterako”, bi hilabeteko eperako, Juan Ignacio Zoido Barne ministroak zehaztu zuenez.

Albiste hau Euskalerria Irratiak argitaratu du eta Creative Commons lizentziari esker ekarri dugu.


Gaixo larriak kanaletik interesatuko zaizu...
2017-11-14 | Andoni Mikelarena
Euskal Herritik Madrilera anbulantzian, Ibon Iparragirre eta Manu Azkarateren bila

Ekimena egin du goizean Sarek Alcalá-Meco (Madril) espetxearen aurrean. Anbulantzian joan dira larri gaixo dauden euskal presoen bila.


2017-11-14 | Andoni Mikelarena
Larri gaixo dauden presoak askatzeko eskatu dute Nafarroako sindikatuek

Iragan ostegunean Nafarroako Parlamentuak egindako adierazpenarekin bat egin dute sindikatuek. Foro Sozialak bultzatu du ekimena.


2017-10-23 | Miren Osa Galdona
Ibon Iparragirre aske uzteko eskatu dute Ondarroan milaka lagunek

Presoaren egoera “larria” salatzeko, manifestazioa egin dute milaka lagunek igande eguerdian Ondarroan, Bizkaian. HIESA dela eta, defentsak oso baxu ditu Iparragirrek; azken mediku txostenaren arabera, hogeiraino jaitsi zaio defentsa maila – ohiko egoeran 700ean dute pertsona osasuntsuek –  eta egoera “muturrekoa” da. Pasa den astean senideek adierazi zutenez, mendekuaren ondorioz dago Iparragirre egoera honetan.


2017-10-19 | Miren Osa Galdona
Mendekua alboratu eta Iparragirre berehala askatzeko eskatu dute senideek

Ibon Iparragirre presoaren egoera oso kritikoa dela adierazi dute, beste behin, bere senitartekoek. Bilbon egindako agerraldian, gorrotoan eta mendekuan oinarritzen diren espetxe politikek “Ibon hilko dutela” adierazi dute. Berehala aske utzi dezaten eskatu dute, gaixo larrien kasuetan egin ohi den bezala. Mobilizazioak iragarri dituzte preso gaixoen egoera salatzeko.


2017-10-13 | ARGIA
Ibon Iparragirreren bizitza kinka larrian dagoela salatu dute

Preso ondarrutarrari egin dizkioten azken analisietan 20 defentsa baino ez dituela, eta beraz, hilzorian dagoela salatu du Iparra Galdu Baik plataformak. Presoak beste pneumonia bat harrapatuz gero hil egingo dela esan du forenseak, Lea Artibaiko Hitzak zabaldu duenez.


2017-07-05 | ARGIA
Espetxe politika garai berrietara egokitzeko eskatu diote sindikatuek Espainiako Gobernuari

ELA, LAB, UGT, Steilas, ESK, Hiru, EHNE eta Etxaide Mugimenduak agerraldi bateratu bat egin dute asteazkenean Bilbon, Foro Sozial Iraunkorraren babesean, Madrilgo Gobernuari espetxe politika alda dezala eskatzeko.


Kartzelara eraman dute Ibon Iparragirre

Madrilgo Alcala-Meco espetxean da dagoeneko gaixo larrien zerrendan dagoen Ibon Iparragirre euskal preso ondarrutarra. Pneumonia zantzuekin ospitaleratu zuten maiatzaren 31n, baina ekainaren 8ko arratsaldean eraman dute berriz ere kartzelara.


Kezka adierazi dute larriki gaixo dagoen Manu Azkarate presoak azken hilabetean jasandako tratuagatik

Manu Azkarate larriki gaixo dagoen preso tolosarrak azken hilabetean bizi izandako egoera eta eskubide urraketak salatzeko agerraldia egin dute ostegun arratsaldean, Tolosako Trianguloa plazan. Tartean, aurpegi ezagunek ere larriki gaixo dauden presoen egoera salatu dute.


Epailearen ebazpena "oso positiboa" dela esan du Oier Gomezen abokatuak

Epaileak Oier Gomezen kondena eteteko eman duen agindua positiboki hartu dute Sarek, Oiertxo SOS Plataformak eta EH Bilduk, baina gogorarazi dute hau “lehen pausoa” baino ez dela eta preso gasteiztarra oraindik preso dagoela. Azken erabakia asteazkenean emango dute auzitegiek, Gomezen aurkako hiru euroaginduak aztertuko baitituzte.


2017-04-24 | Arabako Alea
Oier Gomezen kartzela zigorra eten du Frantziako epaile batek

Larriki gaixo dagoen Oier Gomez preso gasteiztarraren askatasuna agindu du Frantziako epaile batek astelehen honetan. Ewing sarkoma du eta honek metastasia eragin dio buruan. Medikuek sei hilabeteko bizitza itxaropena eman diote.


Eguneraketa berriak daude