Preso gaixoak aska ditzatela eskatuko dute larunbatean Ondarroan eta Baionan

  • Etxerat elkarteak elkarretaratzeak deitu ditu larunbatean Baionan eta Ondarroan, Ibon Fernandez Iradi, Iosu Uribetxeberria eta larri gaixorik dauden gainontzeko presoak aska ditzatela eskatzeko.


2014ko maiatzaren 28an - 00:00
Azken eguneraketa: 2015-02-26 13:37:33
Esklerosi anizkoitzarekin preso dagoen Ibon Fernandez Iradiren kasuari arreta berezia eskainiko zaio larunbatean.

Bake prozesuak aurrera egiteko baldintzetako bat preso dauden gaixo larriak askatzea dela adierazi du Etxeratek.

Horrez gain, Patrick Dallennes Baionako suprefetari preso gaixoen egoeraz hitz egiteko zita eskatu dio elkarteak, bereziki Fernandez Iradiren kasuan esku har dezan, Frantziako Estatuaren erantzukizuna “lehen mailakoa” dela iritzita.

Larunbateko elkarretaratzeak ez dira euskal presoen aldeko ekimen bakarrak izango. Hileko azken ostiralero egin ohi den modura hainbat herritan elkarretaratzeak deitu dituzte eta larunbatean Hendaiako Ondarraitz zelaian preso eta iheslarien aldeko futbol 7 txapelketaren hamaikagarren edizioa jokatuko da.


Irakurrienak
Matomo erabiliz
#1
Gorka Bereziartua
#3
AEK koordinakundea
#4
Ruben Sánchez Bakaikoa
Azoka
Kanal honetatik interesatuko zaizu: Gaixo larriak
2021-12-20 | ARGIA
Antton Troitiñoren heriotza “azkena” izan dadila eskatu dute Sarek eta Etxeratek

Euskal preso politikoa ostiralean hil zen minbizi baten ondorioz, 30 urteko espetxealdiaren ostean kaleratu eta 10 hilabetera. Troitiñoren kasua euskal presoei aplikatzen zaien salbuespen politikaren adierazle dela salatu dute bi elkarteek. Mobilizazioak antolatu dituzte... [+]


2021-02-05 | ARGIA
Kalean da Antton Troitiño, baldintzapean aske

Eritasun "larri eta sendaezin" bat duela, baldintzapean atera da kalera otsailaren 5 goiz honetan. Orotara, 30 urtez gora pasa behar izan ditu kartzelan.


Julen Atxurra presoak buruko isuria izan du eta kartzelako erizaindegira eraman dute

61 urteko preso lekeitiarrak maiatzaren 13an buruko isuria izan zuela argitaratu du Etxeratek. Orain Puerto-I kartzelako (Cadiz, Andaluzia) erizaindegian dagoela eta asteburuan familiaren bisita izan duela gehitu du.


Espetxe politikaren legea betearazteko eskatu dute 38 eurodiputatuk

Dispertsio politika bukatzeko eta larriki gaixorik dauden presoak askatzeko eskatu diete Espainiako Estatuko eta Europako Parlamentuko presidenteei.


"Itxaropena" lagun, Bilboko eta Baionako manifestazioetara joateko deia luzatu die Sarek herritarrei

Sareko kideek presoen egoera aldatuko den "itxaropena" erakutsi dute: "Hala behar luke, behinik behin. Orain da unea; izan ere, orain ez bada, noiz?"


Eguneraketa berriak daude