Preso eta iheslarien aldeko antolakunde berria ekainean
“Organismo anitz eta parte-hartzailea” izango da preso eta iheslarien eskubideen alde ehuntzen ari den herritar sareak ekainean sortuko duena.
Konponbideak deituta, 170 herritar Eskoriatzan bildu ziren larunbatean. Bertan egindako hausnarketen ondorioak publiko egin dituzte Teresa Toda eta Joseba Azkarragak.
Dinamika lokalak oinarri izango dituen organismo berriak hiru puntutan egingo du lan, adierazi dutenez: Batetik, dispertsioaren amaiera landuko du. Azkarragaren esanetan erabaki politiko batekin aktibatu zen dispertsioa eta beste erabaki politiko batekin desaktibatu beharko litzateke. Bigarrenik, preso gaixoen askatasuna lortzeko lanketa egingo dute. Eta azkenik, aparteko neurriekin amaitu nahi dute.
Toda eta Azkarragaren esanetan erakunde berria ez da instituzio edo alderdien ordezkatzaile izango. Sentsibilitate politiko anitzetako pertsonen lana lehenesten dutela adierazi dute, eta “gizartean jada existitzen den adostasuna” abiapuntutzat hartuta preso eta iheslarien eskubideen urraketak salatzea izango dute helburu. Gatazkaren konponbidean, bakearen ideia “biolentziarik eza baina gehiago” izan behar dela adierazi dute Toda eta Azkarragak.
Ekainean amaituko dute herrietan proiektuaren aurkezpenak egin eta ekarpenak biltzeko epea. Uztailetik aurrera “organismo anitz eta parte-hartzailea” sortzea espero dute antolatzaileek.
ETAren armagabetzea bideratzeko, bakegileekin lankidetzan aritu ziren Frantziako autoritateak. Hala adierazi du Matthias Fekl Barne ministro ohiak asteartean, Parisko Zigor Auzitegiko 16. ganberan, Beatrice Molle-Haran eta Jean-Noël Txetx Etcheverry-ren aurka egiten ari... [+]
ETAren armak eta lehergaiak garraiatzea leporatzen diete Beatrice Molle-Haran eta Jean-Noël Etcheverry 'Txetx’ bakegileei, 2016ko Luhusoko operazioaren harira. ETAren armagabetzea gauzatzen ari ziren. Egindakoaz harro dagoela eta berriz ere egingo lukeela adierazi... [+]
Tristeziaz hartu du Atarrabiako alkateak Nafarroako Justizia Epaitegi Nagusiaren epaia. Euskal Herriko armarria ezabatu beharko du herriko frontoiko hormatik. “Bere garaian ikurriña kentzera behartu ziguten bezala” adierazi du Euskalerria Irratian Mikel... [+]
Otsailaren 17an ezkerreko 170 emakume feminista subiranista elkartu dira Oreretako Lekuona aretoan, 2023ko sei gertakari aztertu eta Talaia Feministaren behin betiko txostena adosteko. Euskal Herriko trantsizio feministarako proposamenak egiteko lehen pausotzat jo dute dosierra... [+]
Euskal Herriaren eta Kataluniaren independentzia aztergai da atzerrian. Nevadako Unibertsitateak, Renon, Ameriketako Estatu Batuetan, liburu mamitsua argitaratu berri du, ingelesez, Pro-independence movements in the Basque Country and Catalunya [Independentziaren aldeko... [+]