EAEko Auzitegi Nagusiak Debako (Gipuzkoa) Praileaitz ondoko harrobia ustiatzen duen Zeleta enpresari arrazoi eman izanak hankaz gora jarri ditu haitzuloa babesteko dekretu berriaren inguruan zeuden aurreikuspenak. Eusko Jaurlaritzak atzo zuen azken eguna dekretua onartzeko, baina auzitegiaren epaia aztertu behar duela argudiatuta, ez zuen azkenean halakorik egin.
Blanca Urgell Kultura sailburuak 2010ean agertu zuen dekretu berria egiteko asmoa, haitzuloak egun duen 50 metroko babesgunea aldatzeko helburuz, besteak beste. Dekretu berriak 60 metroko babesgunea ezarriko luke, haitzuloko margolanak eta ingurunea babesteko inolaz ere nahikoa, Praileaitzen defentsan jarduten diren taldeen arabera.
Indarrean dagoen dekretua 2007an onartu zen eta Sasiola harrobia ustiatzen duen Zeleta enpresak auzitan sartu zuen Eusko Jaurlaritza dekretuak bere jarduera kaltetzen duela esanez. Atzo Gara egunkariak zabaldu zuenez Jaurlaritzak 50 milioi euroko kalte-ordainak eman beharko lizkioke enpresari auzitegiko epaiaren ondorioz.
Willendorf (Austria), 1908. Wachau bailarako aztarnategi batean, Josef Szombathy arkeologoak emakumezko baten estatua antropomorfo txiki bat aurkitu zuen, 11 cm ingurukoa, harrian zizelkatua eta okre gorriz tindatua.
Orduz geroztik, Paleolitoko venusik ezagunena da, eta... [+]
1891n nekazari batek Gwion estiloko hainbat labar pintura aurkitu zituen Kimberlyn (Australia).
Font Major kobazuloa (Tarragona, Katalunia) 1853an aurkitu zuten eta urte asko dira bertan arkeologoak lanean ari direla.
Izturitze duela 21.000-29.000 urte. Gravettiar aroan Izturitzeko kobazuloan bizi ziren gizakiek suharrizko tresna asko utzi zituzten.
Deba (Gipuzkoa), 1969ko ekainaren 1a. Zestoako mugan, Izarraitzen magalean, kobazulo baten sarrera aurkitu zuten Rafael Rezabal eta Andoni Albizurik.