Pablo Ruz Espainiako Auzitegi Nazionaleko epailearen ustez PPk Bilbon duen egoitza diru beltzarekin ordaindu da. Barcenas auziaren ikerketa amaitu berritan, egoitza eraikitzeko “legezko” diru iturrietatik aparte “kontabilitate paralelo bat” sortu zela ondorioztatu du epaileak.
Autoan azaltzen denez, Espainiako PPk EAEko ordezkaritzari transferentzia bidez nahiz eskura eman zion dirua Bilboko egoitza finantzatzeko. 1999ko azarotik 2005eko azarora artean izan zen hori, Carlos Iturgaiz eta Maria San Gil EAEko presidente izan ziren garaian. Barcenasek eskuz idatzitako dokumentuetan Bizkaiko egoitza (Sede Vizcaya) izenburupean jasota dago diru mugimendu hori.
Ruz epailearen ustetan 1990etik 2008ra arte “B kutxa” bat izan zuen PP alderdiak eta sei pertsona epaitzea proposatu du ogasun publikoaren aurkako delitua eta delitu fiskala egotzita. Horien artean da Luis Barcenas PPko diruzain ohia.
El Diario egunkari digitalak argitaratu du Ertzaintzaren txostena. Honela dio: “Espainiako Inteligentzia Zerbitzuak beraien Gasteizko langileak mobilizatu zituen ETA Al Qaedarekin lotu ahalko zuen informazio bila”. Dokumentuaren arabera, Italiako web orri bat... [+]
Gustavo Antépara Gasteizko Alde Zaharrean pisu turistikoak baimenik gabe ustiatu dituela eta bertan obra “klandestinoak” egin dituela argitaratu zuen ARGIAk 2023ko apirilean. Maiatzeko hauteskundeen osteko berregituraketan, Arabako eta Gasteizko PPko kide... [+]
Pedro Sánchezen eta Amnistia Legearen aurka antolatu dituzte manifestazioak, “espainiarren berdintasuna” aldarrikatzeko. Hego Euskal Herriko jendetsuena Iruñekoa izan da: 6.000 elkartu dira. Bilbon gizon bat atxilotu dute eta beste hiru identifikatu.
Sei urteko atzerapenaren ondoren, "kongresu demokratikoa" egingo du Euskadiko Alderdi Popularrak abendua heldu baino lehen. Laura Garrido eta Javier de Andrés dira hautagaiak.