PPk senatuan gehiengo osoa lortu du, eta legeen onarpena atzeratu lezake
Alderdi Popularrak 147 senatari izango ditu senatuan: 123 hauteskundeetan lortutakoak eta 23 aurretik parlamentu autonomikoek aukeratuak. Kongresuan onartutako legeen kontra bozkatu lezakete, hauen onarpena atzeratuz.
PSOEk 47 senatari lortu ditu, Podemosek 16, ERCk, Democracia y Libertatek eta EAJak 6 bakoitzak; Coalicion Canariak , Aldaketak –Geroa bai, Ezkerra, Ahal Dugu eta EH Bildu Nafarroako hautagaitza bateratua– eta Agrupación Socialista Gomerak bana.
Lortutako emaitzarekin PPko senatariek kongresuak onartzen duen edozein legeri betoa ezarri ahalko diote. Legeak senatuan blokeatzen badituzte, kongresura bueltatu behar dira. Bertan, diputatuen gehiengo absolutua beharrezkoa da betoa kendu eta legea onartzeko. Legea onartzeko ez badute babes nahikorik lortzen, bi hilabete geroago onartu ahalko dute gehiengo sinplearekin.
Senatuko 208 eserleku hauteskunde orokorretan aukeratu dira. Gainontzeko 58ak parlamentu autonomikoek aukeratzen dituzte.
Mariano Rajoyren inbestiduraren aurka, larunbatean manifestaziora deitu du 25-S erakundeak. Rajoy presidente bihurtuko duen inbestidura saioarekin batera abiatuko da. “Mafiaren kolpearen aurrean, demokrazia” leloarekin abiatuko da.
Espero zenez, Mariano Rajoy PPko hautagaiak ez du lortu Espainiako presidente izateko behar adina babes inbestidura saioko lehen bozketan. Baiezko 170 boto jaso ditu jarduneko presidenteak, eta 180 ezezko. Ez da abstentziorik izan.
Lehendakariak “oportunismoa” egotzi dio EH Bilduri Eusko Jaurlaritzaren ikasturte berriko lehen kontseilu bileraren ostean. Espainiako Gobernuari, abertzaleak mespretxatzea.
Hauteskunde biharamuneko ARGIAren azal honek eskaintzen zuen irudia ez zen txantxetakoa. Hori da Mariano Rajoyren ahotan entzungo den diskurtsoa, Espainia urdinarena. Tribunatik Espainiako eskuinaren nagusitasun ia erabatekoa barreiatuko da.
Datozen 48 orduetan PPk bere eskaerak betetzen ez baditu, inbestidura saioan baiezkoa emateko negoziaketak bertan behera utziko ditu Ciudadanosek.