PP eta PSOEren gobernuek 39 polizia, guardia zibil eta mosso indultatu dituzte beren gobernuetan, Público hedabideak egindako kontaketaren arabera. PPk 26 agente indultatu ditu, eta PSOEk 13.
Héctor Moreno García, torturengatik zigortua, Kantabriako Polizia Nazionalaren buru izendatu dutela salatu du Público-k aurreko astean; PPren gobernuak 1998an indultatu zuen Moreno. Albiste horretatik abiatuta, Espainiako gobernuek torturagatik zigortutako agenteen indultuen zenbaketa egin du hedabideak.
90eko hamarkadan, Felipe Gonzalezen gobernuak hainbat agente indultatu zituen, eta 1995ean, Justizia Ministerioak El País egunkariari esan zion ez zirela halako indultu gehiago egongo. 1996an, baina, hauteskundeak galdu zituen Gonzalezek, eta bere ondorengoak, José María Aznarrek indultuak banatzen jarraitu zuen.
2001a izan zen indultu gehien eman zituzten urtea; orduan Alderdi Popularrak hamalau agente indultatu zituen. José Luis Rodriguez Zapatero eta Mariano Rajoyren gobernuek ere torturengatik zigortutako agenteak indultatzen jarraitu zuten.
1993ko abuztuaren 20an Juan Calvo bilbotarra hil zen Arkautiko Ertzaintzaren komisarian, atxilo zegoela. 2023ko uztailean ARGIAk heriotzaren inguruko informazio eta datu berriak argitaratu zituen, agerian uzten zituztenak Calvok jasotako tratu txarrak zein Poliziaren gezurrak... [+]
Torturapean hil zuten zizurkildarra gogoratzeko ekitaldia egin dute igandean. Tortura aitortu eta erreparatzeko bitarteko gehiago eskatu dituzte.
Euskal Herriko Torturatuak Saretzeko Talde Sustatzaileak aurkezpen agerraldia egin du Bilbon. Torturatu guztiak batuko dituen sare bat osatzeko lan egingo dute, eta topaketa bat iragarri dute urtebete barrurako. Torturaren aitortzan torturatuak agente aktibo izate aldarrikatu... [+]
1999ko martxoan Aiztondo bailaran jazotako gertaera latzak ez ziren eraso isolatuak izan, Espainiako Estatuak Euskal Herriaren aurka emandako beste urrats errepresiboaren zati baizik. “Todo es ETA” (Dena da ETA) doktrinaren menpean, atxilotu eta inkomunikaziopean gu... [+]