PP eta PSOE hondoratzen ari dira, biak batera, El País egunkariak igandean argitaratutako boto-asmoei buruzko inkestak erakusten duenez. 1978tik Espainiako Estatuan nagusitu den bi alderdiko eskemaren bukaera ote?
PPk irabaziko lituzke Espainiako hauteskundeak gaur egingo balira, baina Rajoyren alderdiari botoa emateko asmoa duten herritarren portzentajea %46tik %23ra erori da urtebete baino gutxiagoan. Ustelkeria eskandaluek eta murrizketa-politikek kalte handia egin diote gobernuan den alderdiari.
Egoera mesedegarria litzateke PSOErentzat, teorian. Baina ez da. Rubalcaba buru duen alderdiak ez du ia hobekuntzarik egin boto-asmoari dagokionez azken urte osoan eta PPren antzeko mailan dago, %23 pasatxo.
IU eta batez ere UPyD dira egoeraz baliatzen ari direnak. Rosa Díezen alderdi zentralistak botoen %15 lortuko luke bozak orain eginez gero. Sortu zenetik ez zuen halako aurreikuspen onik eduki.
Sistema osoa kolokan
Alderdien emaitza hipotetikoak gorabehera, datuek erakusten dute Espainian Trantsiziotik nagusitu den sistema ia erabateko endekapena bizitzen ari dela.
Herritarren %53k bakarrik emango luke botoa momentu honetan eta bi alderdien txandakatzerako prestatuta zegoen egiturari alde guztietatik ari zaizkio artesiak ateratzen.
PPren eta PSOEren portzentajeak batuta boto-asmoaren %47,4 osatzen dute. Espainiako azken hauteskundeetako emaitzarekin alderatuz gero, %26ko jaitsiera da.
Inkestari erantzun dioten herritarren gehiengoak uste du alderdi nagusi guztiak ustelak direla eta horrek esplikatzen du PPrekin gustura ez dauden herritarrek PSOEn alternatibarik ez ikustea. %97ak gardentasun legea galdegiten du eta %88k ogasun inspektore eraginkorragoak nahi ditu.
Valentziako Hezkuntza Kontseilaritzak 16 hizkuntzetatik bederatzitan murrizketak jakinarazi dizkie Hizkuntza Eskola Ofizialei, eta euskal hizkuntza da okerren geratu dena.
El Diario egunkari digitalak argitaratu du Ertzaintzaren txostena. Honela dio: “Espainiako Inteligentzia Zerbitzuak beraien Gasteizko langileak mobilizatu zituen ETA Al Qaedarekin lotu ahalko zuen informazio bila”. Dokumentuaren arabera, Italiako web orri bat... [+]
Gustavo Antépara Gasteizko Alde Zaharrean pisu turistikoak baimenik gabe ustiatu dituela eta bertan obra “klandestinoak” egin dituela argitaratu zuen ARGIAk 2023ko apirilean. Maiatzeko hauteskundeen osteko berregituraketan, Arabako eta Gasteizko PPko kide... [+]
Pedro Sánchezen eta Amnistia Legearen aurka antolatu dituzte manifestazioak, “espainiarren berdintasuna” aldarrikatzeko. Hego Euskal Herriko jendetsuena Iruñekoa izan da: 6.000 elkartu dira. Bilbon gizon bat atxilotu dute eta beste hiru identifikatu.
Sei urteko atzerapenaren ondoren, "kongresu demokratikoa" egingo du Euskadiko Alderdi Popularrak abendua heldu baino lehen. Laura Garrido eta Javier de Andrés dira hautagaiak.