Posible al da beste turismo eredu bat?
Turismoa udako industria nagusiena da. Guanyem Barcelonak egungo turismo eredua masibo eta harraparitzat jo du eta honen aurka “turismo jasangarria” aldarrikatu du. Baina posible al da? Diagonal egunkariak egungo turismo eredua eta honen eraginak aztertu ditu.
Diagonalek Rodrigo Fernandez Miranda Ekologistak Martxan elkarteko kidearen hitzak jaso ditu gai honen inguruan. Turismoak lau motako eraginak dakartzala dio: ingurumenari dagozkionak, ekonomikoak, soziokulturalak eta eskala txikiagokoak.
“Nabarmentzekoa da turismoaren eraginez lekuko jarduera ekonomiko tradizionalak bertan behera uzten ari direla, eta gastu publiko handia egiten dela atzerritarren inbertsioak erakartzeko”, azaldu du Fernandez Mirandak.
Oinarrizko baliabideak garestitu egiten direla gehitu du, baliabideak gain-ustiatzen direlako.“Bizitza eredu kontsumistaren esportazioa” ematen da, eta honek gizarteen nortasuna, baloreak eta bizitzeko era tradizionalak mehatxatzen ditu.
Turismoaren inguruan “mito faltsu” bat dagoela ere adierazi du Fernandez Mirandak: enpleguaren sorrerarena. Turismoak sortzen dituen enpleguak “aldi baterakoak, prekarioak eta kalitate txarrekoak” direla salatu du.
Ohiturak merkantzia bihurtzen dira, eskaintza turistikoaren barruan sartzen dituztelako. Fernando Estévez Antropologia irakasleak azaltzen duenez, “kultura garaikidean eguneroko errutina hain handia da jendeak bertatik atera nahi eta behar duela. Turismoa errutinaren aurkako jarduera da, eta hori da hain justu bere xarma”.
Turistek bertakoak identifikatu nahi dituzte, beste gauza askoren artean, beren janzkerengatik, adibidez. “Baina leku urrun eta exotikoak gaur egun ez daude hain urrun eta ez dira bitxiak, beraz, bertakoak geroz eta bereizezinak dira”, azaldu du Estevezek.
Turismo jasangarria: errealitatea ala paradoxa?
Turismo jasangarriaren kontzeptua garapen jasangarriarekin erlazionatuta dago. Turismo jasangarria posible den aztertzean, Freek Colombijn Amsterdameko Vrije Unibertsitateko Antropologia irakasleak argi dauka: “Turismo jasangarri bakarra gure etxetik oinez edota bizikletaz ateratzean egiten duguna da. Bestela ezin dugu esan egiten ari garen jarduera jasangarria dela”.
Bye Bye Barcelona dokumentalak turismo masiboak Bartzelonan dituen eraginak agerian uzten ditu.
Azkenaldian modan jarri den kontzeptu bat da “Gentrifikazioa”. Horrek ez du esan nahi ordea, Gentrifikazioaz izendatzen den prozesu eraldatzaile hori, orain bizitzen hasi garenik. Prozesu hori, oso ondo ikusi dezakegu Egian. Urte gutxitan, Tabakalera birmoldatu egin dute, auzoko sarreraren birmoldaketa eraginez eta zentro-periferia lerroa hautsiz.
Ertzaintzak bost lagun identifikatu izanak ez du geldiarazi 'Visit zure auzoa' bisita gidatua Donostiako Alde Zaharrean. Ostegun arratsaldean Turismorik gabeko eguna egin dute. 40 bat lagun bildu dira gaiaz eztabaidatu eta Alde Zaharrean ibilaldi bat egiteko, "turismoak hiria hiltzen du" pegatinak itsatsi bitartean.
Airbnb plataforma abiarazi zutenetik, hainbat hiritan etxea partekatu edo alokatzeko zerbitzu horrekiko posizioak alde batetik bestera igaro dira. Azpiko bisualizazio hauek erakusten dute zergatia.
Bartzelonako Udalak eta AirBnb enpresak izandako negoziazioen harira, bigarrenak onartu du etxebizitza ilegalak webgunetik kentzea. Udala arduratuko da legez kanpoko etxebizitzen berri emateaz, eta aste honetan lehen zerrenda bat igorriko dio. Kontrol protokolo bat ere ezarriko dutela jakinarazi dute.
Satorralaia bizilagunen mugimenduak deituta, larunbatean 12etan Easo plazatik atera eta Kontxako erlojuetan amaituko da Metroaren kontrako martxa. Gogor salatu dute Espainiako Itsasertzetako Zuzendaritzak obra hau Kontxako hondartzaren azpian eraikitzeko eman berri duen baimena.
Turismo bulegoan egin dute ekintza Ernaiko gazteek, salatzeko Lekeition duten turismo ereduak gazteak lan prekarioetara daramatzala, euskararen erabilera jaistea dakarrela, kaleko zentsura dakarrela, eta alokairu altuei eta etxe hutsen zifrei begiratuta etxebizitzaren arazoa begi-bistakoa dela.
EAEko turismoaren jasangarritasuna ikertu du Jaurlaritzak aurkeztu berri duen txostenean. Datuen arabera, 2017ko lehen hiruhilabetekoan %9ko igoera izan du, baina oraindik “hazkunde margen handia” duela esan du Alfredo Retortillo Turismo, Merkataritza eta Kontsumoko sailburuak.
Modan jarri da azken urteetan gurutzontzietan bidaiatzeko plana. Turismo ereduaren eta kutsaduraren inguruko eztabaidak ere gora doaz eta itsasontzi hauek eragiten dutenaren inguruko zalantzak ez dira salbuespena.
58 gurutzontzi eta 94.000 bidaiari iristea espero du Bizkaiko Aldundiak aurten herrialdera, hau da, 2016an baino %14 ontzi eta %10 bisitari gehiago. Datuok ostegunean eman zituen Ekonomi eta Lurralde Garapena Sustatzeko Diputatu Imanol Pradalesek Getxon gurutzontzientzat egin duten portu berriaren irekieran, Bilbao Bizkaia Forum Cruises ekitaldian.
EAEko turismoaren jasangarritasuna ikertu du Jaurlaritzak aurkeztu berri duen txostenean. Datuen arabera, 2017ko lehen hiruhilabetekoan %9ko igoera izan du, baina oraindik “hazkunde margen handia” duela esan du Alfredo Retortillo Turismo, Merkataritza eta Kontsumoko sailburuak.
