Portugalek eta Irlandak zergak igoko dizkiete bankuei

  • Grezia eta Espainia bezalaxe, Irlanda eta Portugal Troikak erreskatatutako estatuak dira. 2014ko aurrekontuak aurkeztu dituzte, eta orain arte bezala herritarrei murrizketak ezartzeaz gain, bankuei presio fiskal handiagoa egingo diete.


2013ko urriaren 18an - 00:00
Azken eguneraketa: 2015-02-26 13:37:33
Irlandako Gobernuak presio fiskal handiagoa egingo die bankuei 2014an. Argazkia: www.theguardian.com.

Irlandak estutuko ditu gehien bankuak. Hartutako neurri berriekin 150 milioi euro jaso nahi ditu urtero. Batetik, Gordailuak Bermatzeko Funtsari ordaintzen zioten tasa kendu eta zerga berria ezarri du Gobernuak, hala, haiek erreskatatzea kosta denaren zati bat behintzat ordain dezaten. Bestetik, kapital errentaren gaineko zerga %33tik %41era igo diete.

Bankuei presio handiagoa egiteak ez du esan nahi herritarrek murrizketak jasan beharko ez dituztenik. Osasun publikoa doakoa mantentzea gero eta zailagoa izango da, izan ere, beste hainbat neurriren artean berrordainketak gora egingo du eta amatasunagatiko laguntzek behera egingo dute. Enplegua sortzeko 500 milioi euro gorde ditu Gobernuak.

Portugalek presio gutxiago

Portugalek ere presio egingo die bankuei, baina Irlandarekin alderatuta ezer gutxi. Daukaten pasiboaren balioaren %0,01 ordaintzen dute gutxienez zerga bidez. Bada hemendik aurrera, gehiengoa 0,05etik 0,07ra igoko dute. 2011n, zerga horri esker, 139 milioi euro bildu zituen Gobernuak. 2014ko aurrekontuen arabera, finantza salerosketen gaineko tasa ere ezarriko da.

2014ko aurrekontuan 3.184 milioi euroko murrizketak eta zerga igoerak aurreikusi ditu Portugalgo Gobernuak. Sektore publikoko funtzionarioek eta langileek jasango dituzte murrizketa gogorrenak: 600 eurotik gorako soldata guztiek behera egingo dute. Pentsioak ere murriztuko dituzte. Hezkuntzan eta Osasun Publikoan 800 milioi euro aurreztu nahi dituzte.


Kanal honetatik interesatuko zaizu: Finantza erakundeak
11.000 milioi eurotik gora irabazi ditu Banco Santanderrek 2023an, eta BBVAk 8.018 milioi

Banco Santanderrek %15,3 igo ditu irabaziak 2022arekin alderatuta. BBVAk, berriz, %26 gehiago irabazi du.


Kutxabankek komisioak kenduko dizkie erabiltzaileen %80ri

Komisioak ezabatu egingo dira 30 urtetik beherako guztientzat eta baldintza batzuk bete beharko dituzte kontua eta txartela doan mantendu nahi duten bezero orok. Urtarrilaren 15ean sartuko da araudi hau indarrean.


Espoliazio frankista
Ibex35 eta euskal oligarkiaren zimenduak

Frankismoa ez zela 1975ean amaitu diktadoreak ohean azken hatsa eman zuenean, hori badakigu. Erregimenaren haziek bizirik iraun zuten poliziaren tortura ziegetan, justizia auzitegien sumarioetan eta militarren zein politikarien deklarazio kolpistetan –Aznarrek azkenaldian... [+]


Kutxabankek akordioa sinatu du Madrilgo Alantra inbertsio bankuarekin, "hazteko" estrategia berriaren baitan

Kutxabankek inbertsio bankuen sektorean sartzeko pausoa eman du eta akordioa sinatu du sektore horretako Espainiako Estatuko eta Europako eragile nagusienetako batekin, Alantra sozietatearekin. "Enpresen merkatuan" presentzia handiagoa izatea litzateke helburua.


Herri zaurgarrienek zorpeturik segituko dute finantza sistema berrian ere

Berrogeita hamar bat gobernutako ordezkari, nazioarteko finantza-egitura esanguratsuenak, hainbat enpresa pribatu eta Gobernuz Kanpoko Erakunde zenbait batu dira Parisen, ekainaren 22an eta 23an, mundu mailako finantza itun berri bat adosteko asmoz. Orain arteko joko-arauak... [+]


Eguneraketa berriak daude