Katalanera itzulitako euskal narratiba garaikidearen antologia aurkeztuko dute Bartzelonan

  • Pomes perdudes (Sagar galduak) liburua aurkeztuko dute ostegunean Bartzelonan. Katalanera itzuli den euskal ipuingintza garaikidearen antologia da. Tigre de Paper argitaletxeak argitaratu du eta Euskal Herriko gatazka politikoaren inguruan mamitutako ipuinak dira nagusi.


2014ko irailaren 30an - 00:00
Azken eguneraketa: 2015-02-26 13:37:33
Daniel Escribanok hautatu eta itzuli ditu ipuinak. Irudian, liburuaren azala. (Argazkia: tigredepaper.cat)

Xabier Montoia eta Xabier Mendiguren idazleak izango dira liburuaren aurkezpenean Bartzelonan.

Tematikari dagokionez, faxismoaren aurkako borroka, tortura eta herri mugimenduen kontrako "gerra zikina" dira gai nagusiak. Hala ere, ageri dira beste azpigai batzuk ere, familiaren baitako abusuak edo harreman pertsonaletan biolentzia politikoak dituen ondorioak, kasu.

Orain arte katalenera itzuliak izan ez diren testuak dira "sagar galduak". Argitaletxearen arabera, “inor epel uzten ez duen gatazkaren baitan jaiotako narratiba” da.

Ipuingintza garaikiderako bidean idazle gazteek bete duten papera nabarmendu dute. Bide horretan mamitutako lana bereziki narrazio laburrean ageri dela azaldu dute eta hain zuzen, hori dela antologiaren helburua: euskal literaturan azken bost hamarkadetan sortu diren “sagar heldu tentagarrien” dastaketa txikia katalanez eskaintzea.

Ipuinak ondorengo egileenak dira: Txomin Peillen, Jon Mirande, Karmele Jaio, Joseba Sarrionandia, Patxi Zubizarreta, Koldo Izagirre, Xabier Montoia, Uxue Apaolaza, Harkaitz Cano, Katixa Agirre, Eider Rodriguez eta Iban Zaldua. Testuen hautaketa eta itzulpena Daniel Escribanok egin du.


Irakurrienak
Matomo erabiliz
#1
Gorka Bereziartua
#3
AEK koordinakundea
#4
Ruben Sánchez Bakaikoa
Azoka
Kanal honetatik interesatuko zaizu: Euskal literatura
Otsoa dator!

Gizakiak istorio kontatzaileak gara, hainbeste, ezen esan ere egin daitekeen narrazio gaitasuna dela gizaki egiten gaituen ezaugarrietako bat. Kontakizunak behar beharrezkoak zaizkigu geure burua eta errealitatea eraikitzeko, eta bereziki aipatzekoa da ipuin klasikoek horretan... [+]


Uxue Alberdi. Hamarkada bi idazten (I)
Aulkitik aulkira, euli-giro eta Jenisjoplin, kontrako eztarritik dendaostera

Uxue Alberdiren lanari begira jarriko gara oraingoan. Lehenengo artikulu honetan helduentzako idatzi dituen ipuinak, eleberriak, saiakera eta kronika hartuko ditugu kontuan. Bigarren artikulu batean ilustratutako anekdotez, istorioez, filosofia liburuez eta idatzizko bertsoez... [+]


2024-02-12 | Jakoba Errekondo
Indi gaztainondoaren gerrateak

Zuloan sartuta egotea ez duk txarrena –esan zion Manuk–, txarrena duk ez jakitea noiz aterako haizen, edo inoiz aterako haizen ere. Lander Garroren Gerra Txikia nobelan, non gerra bateko iheslarien gorabeherak azaltzen dituen, pertsonaien artean, Anna Frank dakarte... [+]


2024-02-06 | Estitxu Eizagirre
Gorka Setien idazlea hil da

Gorka Setien Berakoetxea poemagile hernaniarra hil da otsailaren 4tik 5erako gauean. Bost liburu idatzi zituen, irrati libreetako ahotsa izan zen eta gozo entzuten eta zaintzen zekien. 2019an autoedizioan argitaratu zuen bere poema liburu berriena, Naufragoen altzoa.


Eguneraketa berriak daude