Yasser Arafat lider palestinarraren gorpua hasi dira aztertzen heriotzaren arrazoia argitzeko
2004an hil zen urtetan Palestinako buruzagia izandako Yasser Arafat. Zortzi urte geroago, heriotzaren arrazoia zalantzan jarri dute pozoitu ote zuten zurrumurrua zabaldu denetik. Frantziar eta suitzar adituak gaur hasi dira gorpua aztertzen, komunikabideen presentziarik gabe. Zaila izango da, arrazoia polonioa izanik ere, arrastoak zortzi urte eta gero aurkitzea.
Goizeko 07:05etan atera dute gorpua lurpetik, Ramalako mausoleotik. Taufik Tirawi Palestinako Aginte Nazionaleko (ANP) presidenteak adierazi du prozesua palestinarren kontrolpean egingo dela. Ikertzaileek Arafaten arropa berreskuratuko dute eta 2004ko urtarrilaren 1etik urriaren 28ra bitartean berarekin harremanetan egon zirenak elkarrizketatuko dituzte.
Arafat Pariseko ospitale militar batean hil zen. Zurrumurruak areagotu egin dira azken urteotan, Arafat polonioz pozoituta hil zela, alegia. Tirawik esan du helburua heriotzaren arrazoiak argitzea dela. Suitzar erakunde batek eta Al Yazeera telebista kateak liderraren arropetan eta objektu pribatuetan “normala” ez den polonio kopurua aurkitu zuten. Pasa den urtean liderraren emaztea Suhak zabaldu zuen Arafat pozoituta hil zenaren aukera zegoela.
Polonioa atzemanez gero, zigarroek edo beste zerbaitek eraginda izan den zehaztu beharko dute, tabako erretzaileek polonioa baitute beren gorputzetan. Ikerketak bizpahiru hilabete iraungo duela uste dute eta analisiaren erantzunak palestinarrei bidaliko zaizkie zuzenean.
Polonioaren ezaugarriak
Polonioa uranio mineraletik ateratzen da. Marie Curiek isolatu zuen lehen aldiz, eta bera izan zen, hain zuzen , polonioz kutsaturik hil zen lehen pertsona ezaguna. Polonioa 10.000 aldiz erradioaktiboagoa da beste edozein substantzia baino, eta nahikoa dira mikrogramo gutxi batzuk heriotza eragiteko. Gibelari, urdailari, giltzurrunei eta hezur-muinari erasotzen die, besteak beste. Zortzi urte igaro ondoren hezur-muina da erabat desegin gabe iraun dezakeen gorpuzki bakarra.
Zisjordanian eta Gazan nolabaiteko gobernu autonomoaren funtzioak betetzeko asmoz jaio zen Palestinar Aginte Nazionala. Horrela jasota dago Osloko akordioetan, baina errealitatea guztiz bestelakoa da.
Azken bi hamarkadetan, nazioarteko bitartekaritza medio, bake negoziaketa ugari abiatu dituzte Palestinako Aginte Nazionalaren eta Israelgo Gobernuaren artean. Gaur arteko emaitza bakarra izan da: Israelen okupazioa betikotzea
Iasser Arafaten argazkia, bere zapiarekin, Palestina askatzeko borrokaren irudia izan zen urtetan. 1974an Nazio Batuen Asanblada Nagusian egin zuen hitzaldiak aldarrikapen hau munduko txoko guztietara eraman zuen. Esku batean pistola zuen, bestean olibondo adaxka bat.
Yasser Arafat buruzagi palestinarra polonioz pozoituta hil zen haren gorpua aztertu duen forentse talde batek jakitera eman duenez.
Yasser Arafat pozoituta hil zutela pentsatzeko arrazoiak hazi egin dira The Lancet aldizkari medikoak argitaratutako artikulu baten ondorioz.