'Pòlonia' saioa (besteak beste) arriskuan, Espainiako Ogasunak TV3ri 167 milioi euro eskatu ostean
Espainiako Ogasunak Kataluniako Irrati Telebista Publikoari 167,5 milioi euro itzultzeko eskatu dio, 2015 eta 2018 urteen arteko BEZaren prozeduragatik. Hedabidea egoera ekonomiko larrian utzi du erabakiak eta zenbait saio kendu litzake.
Azken hilabeteetan Euskal Herrian ere ezaguna egin da TV3 Kataluniako telebista publikoko Pòlonia umore saioa. Ostegunero 40 bat minutuko tartea eskaini ohi dute, eta egoera politikoa modu umoretsuan aurkezten dute.
Espainiako Ogasunak duela aste batzuk jakinarazi zuen 167,5 milioi inguru itzultzeko eskatuko ziola CCMAri. 2015 eta 2018 urteen artean Kataluniako Generalitateak onartutako BEZaren prozedura dela eta. Erabaki horrek, aurten TV3ren aurrekontutik 33 milioi euro murriztea eragingo du. Telebista katearen zuzendaritzak adierazi du murrizketa horiek kateaz kanpo dauden ekoiztetxeei eragingo dela gehienbat.
Polònia, El foraster, Joc de cartes, Preguntes freqüents edo APM dira arriskuan leudeken saioetako batzuk. Horiez gain atzerriko zenbait delegazio ixteko aukera ere mahai gainean dutela adierazi dute hedabideko iturriek.
Kataluniako ikus-entzunezko sektoreak kate publikoari eskatu diote oraindik ez dezala horrelako erabakirik hartu. Programa horiek bertan behera uzteak Kataluniako ikus- entzunezkoen sektorea epe laburrean desagertzea ekar bailezake. 15.000 lanpostu inguru arriskuan daudela salatu dute.
Urriaren 1eko erreferendumarekin loturan, bi hedabideotako zuzendariak auzipetu dituzte. Orotara 32 dira auzipetuak.
Espainiako Gobernuak, PSOE eta Ciudadanosen babesarekin, Kataluniako instituzio publikoen kontrola bereganatzeko mehatxua egin du. Tartean, TV3, Catalunya Ràdio eta Agència Catalana de Notícies (ACN) hedabideen funtzio publikoa deuseztatu eta kontrol... [+]
Espainiako Gobernuak, PSOE eta Ciudadanosen babesarekin, Kataluniako instituzio publikoen kontrola bereganatzeko mehatxua egin du. Tartean, TV3, Catalunya Ràdio eta Agència Catalana de Notícies (ACN) hedabideen funtzio publikoa deuseztatu eta kontrol... [+]
Telebista, tableta, mugikorra… batetik bestera egiten dugu salto informazio bila egunero. Joera hori “pantaila anitz” bezala ezagutzen da eta eskaintzen dituen erronka eta aukerez aritu ziren ostegunean Donostiako San Telmo museoan, Iametzak, ARGIA eta... [+]
Pantailaz inguratuta bizi gara, gailu batetik bestera egiten dugu salto etengabe. Errealitate honek komunikazio eta marketin ikuspegitik aukera ugari zabaltzen du. Herri bezala, ondo prestatzen ari al gara horiek baliatzeko? Euskarabildua jardunaldian galdera horri erantzunak... [+]