Poliziek eta Guardia Zibilek Soziedad Alkoholikaren kontzertu bat eragotzi nahi dute Galizian

  • Soziedad Alkoholika musika talde gasteiztarrak Pontevedran (Galizia) jo behar duen kontzertuaren aurka agertu dira Union Federal de Policia sindikatua eta Union de Guardias Civiles elkartea.


2014ko abuztuaren 04an - 00:00
Azken eguneraketa: 2015-02-26 13:37:33
Soziedad Alkoholikak abuztuaren 9an joko du Pontevedran (argazkia: SA).

“Harrituta” daudela adierazi dute bi erakundeek prentsari bidalitako agiri batean. Soziedad Alkoholikaren kantek “segurtasun indarren kontrako gorrotoa” zabaltzen dutela esan dute.

Galiziako hiriko jaien lehen egunean, abuztuaren 9an, joko dute gasteizarrek eta segurtasun indarren ordezkariek Pontevedrako Udalari gomendatu diote taldeak kobratuko duen diru kopuruarekin talde galiziarrak kontratatu ditzatela. “Ez daude prest zergen bidez ematen dugun dirua, gainontzeko Pontevedrako biztanleena bezala, gu iraintzeko eta laidoztatzeko erabil dadin”.

La Voz de Pontevedra egunkariak argitaratu duenez, polizien ordezkariek hiru kanta aipatu dituzte Soziedad Alkoholikaren kontzertua bertan behera utz dezaten eskatzeko arrazoi gisa: Sindrome del norte, Explota zerdo eta Presunto culpable.

Hazte Oir plataforma eskuindarra sinadurak biltzen hasi da kontzertuaren kontra, baina ez dira 800 biltzera ere iritsi.

Ez da Soziedad Alkoholika taldea jazartzen duten lehenbiziko aldia. ETAren biktimen elkarteek bultzatuta Espainiako Auzitegi Nazionalean deklaratu behar izan zuten taldekideek, "terrorismoa goratu" zutelakoan. 2006an absolbitu zituzten.


Kanal honetatik interesatuko zaizu: Adierazpen askatasuna
Fermin Muguruzaren bisita batengatik “terrorismoa goratzea” leporatu diote Valentziako institutu bati

Talde kontserbadore batek salatu du institutua, Muguruza hitzaldi bat ematera gonbidatzeagatik. Bellreguardeko Udaleko zinegotzi ohi batek esan du ez zela hitzaldirik egon. Institutuko zuzendaritza taldeak hilaren 26an deklaratu beharko du guardiako... [+]


Pablo Gonzalez
Inongo frogarik erakutsi barik, bi urte espetxean Polonian

Otsailaren 28an bi urte bete dira Pablo Gonzalez kazetaria Polonian atxilotu zutela. Errusiako espioia izatea leporatu zioten hango zerbitzu sekretuek, baina oraindik ez dute horren froga edo zantzu ñimiñoena erakutsi.


2024-02-01 | Gedar
Black Marfil abeslariaren kontrako zigorra berretsi dute: bi urte eta hilabete bat

Iruñeko abeslaria bere abestietako letrengatik kartzelaratuko dute, besteak beste, udaltzainen kontrako "gorrotoa eta indarkeria" sustatzea leporatuta.


2023-10-30 | ARGIA
Valtònyc rap kantaria Mallorcara itzuli da bost urtez erbestean egon ondoren

Josep Miquel Arenas Beltrán ‘Valtònyc’ rap kantari mallorcarrari hiru urte eta sei hilabeteko kartzela-zigorra ezarri zion Espainiako Auzitegi Gorenak bere kantuetan “terrorismoa goratzea” eta Espainiako koroari “irain egitea”... [+]


2023-07-17 | Ilargi Manzanares
Sutan dagoen Ertzaintzaren furgonetaren argazkia "iraingarria" dela dio Jaurlaritzak

Donostiako Groseko jaietan larunbatean antolatu zen grafiti erakusketan sutan zegoen Ertzaintzaren furgonetaren irudia erakutsi zuten, eta Ertzaintza azaldu zen kentzera. Segurtasun sailburu Josu Erkorekak “gorroto eta indarkeria bultzatzen duen irudia” dela adierazi... [+]


Eguneraketa berriak daude