Podemosek, haren ingurukoek eta IUk PSOE gaindituko lukete, CISen arabera
Pablo Iglesiasen alderdiak –En Marea, En Comú eta Compromísen botoekin batera— eta IUk botoen %23,1 lortuko lukete, eta botoen %21,6 PSOEk, Espainiako Ikerketa Soziologikoen Zentroaren (CIS) arabera. PPk irabaziko lituzke hauteskundeak –botoen %27,4 lortuta–, baina puntu bat jaitsiko litzateke abenduko hauteskundeekin alderatuta.
Ciudadanos eta IU dira, abenduko hauteskundeekin alderatuta, boto igoera handiena izango luketen alderdiak. Ciudadanosek botoen %13,9 lortu zuen hauteskundeetan eta botoen %15,6 lortuko luke ekainean, inkestaren arabera. Inkesta apirilaren hasieran egin zen.
IUri dagokionez, botoen %3,6 lortu zuen abenduko hauteskundeetan, eta botoen %5,4 lortuko luke ekainean. Aitzitik, PSOEk ehuneko batzuk jaitsiko lituzke, eta Podemosek eta bere inguruko alderdiek –En Marea, En Comú eta Compromís– hiru puntu galduko lituzkete abenduko hauteskundeekin alderatuta.
Podemosek, En Mareak, En Comúk, Compromísek eta IUk bat egingo balute, PSOE gaindituko lukete, CISen arabera. Podemosek botoen %12 lortuko luke; IUk %5,4; En Mareak %1,5; En Comúk %3,8 eta Compromísek %0,4. Alderdi horiek botoen %23,1 lortuko lukete. PSOEk, aldiz, botoen %21,6 lortuko luke.
PPk irabaziko lituzke hauteskundeak botoen %27,4 lortuta. Boto batzuk galduko lituzke, %28,7 lortu baitzuen abenduko hauteskundeetan.
Podemos eta IU negoziatzen ari dira egun hauetan. Bat egingo ez balute, ez lukete lortuko PSOE gainditzea. Botoen %17,7 lortuko lukete Podemos eta bere ingurukoetak, eta botoen %21,6 PSOEk.
Inkesta egin dutenen %11,5k adierazi du abstenitu egingo dela eta %15,9k onartu du ez dakiela nor bozkatuko duten.
EAJren Bizkai Buru Batzarreko presidenteak uste du Urkulluk “babes ezberdinekin gobernua osatzeko behar den lidergoa” lortuko duela irailaren 25eko hauteskundeetan.
Ciudadanosek Espainiako Estatuko Kongresuan dituen 32 diputatuen babesa jasoko du Rajoyk inbestidura saioan eta aurreikusten da Coalición Canariako diputatu bakarrarena ere izango duela. Lehenengo itzulian presidente izendatzeko gehiengo osoa behar du, eta hortaz, beste... [+]
EAJk Rajoyri ezetz esango diola errepikatu du lehendakariak Radio Euskadin eginiko elkarrizketan.
Askatasunak leku bat hartzen dizunean egunerokoan, haren alde egin behar duzunean halabeharrez, beharrizan bihurtu dizutenean flotatzea, orduan berdin zaizu ze kartzelatan zauden, kartzela propioetan ez erortzea da garrantzitsuena: “Ez galdetu non nagoen, berriz ere./ Hemen... [+]
Bi kantu entzun daitezke Joseba Irazoki eta Lagunak taldeak Madrilgo Acuarela diskoetxearekin kaleratu duen binilozko singlean. Biak oso onak, zirraragarriak.
Rock, folk, blues eta psikodelia aireak suma daitezke kantuetan, doinu iradokitzaileak. Moldaketak eta apainketak oso... [+]