Podemos-Ahal Duguk nafar parlamentari kritikoei aktak itzultzeko eskatu die

  • Herritarren Kontseiluak berretsi du ohar horretan, parlamentuan, Laura Perezek, Fanny Carrillok, Ruben Velascok eta Carlos Cousok hartutako bidea arduragabea dela eta talde parlamentarioaren araudia hautsi dutela. Euren aktak alderdiko beste kideei uzteko exijitu diete. Barne-gatazka delakoan oraingoz ez dute publikoki erantzunik eman lau parlamentariek.

Artikulu hau CC BY-SA 3.0 lizentziari esker ekarri dugu.

2018ko otsailaren 19an - 15:56
Laura Perez (argazkian), Fanny Carrillo, Ruben Velasco eta Carlos Cousori eskatu diete beren diputatu aktak entregatzea. (Argazkia: Euskalerria Irratia)

Badira zenbait aste Podemos-Ahal Duguren baitan ez genuela albisterik, eta gaur, oharra iritsi zaigu. Oraindik espedientearen emaitzarik ez, baina horren aurretik oharra. Herritarren Kontseiluak berretsi du ohar horretan, parlamentuan, Laura Perezek, Fanny Carrillok, Ruben Velascok eta Carlos Cousok hartutako bidea arduragabea dela, talde parlamentarioaren araudia hautsi dutelako eta Herritarren Kontseiluko eskumenak ere. Modu antidemokratikoan aritzea ere leporatu diete, zuzendaritzaren kargua hartu dute eta baita erakundeetan Podemos-Ahal Duguren izenean aritzeko ere.

Gauzak horrela, Herritarren Kontseilua, erabakiak hartzeko organu gisara, lau parlamentariei eskatu diete koherentziaz jarduteko eta hartutako konpromisoak aintzat hartzeko. Euren akta uzteko eskatu diete eta beste alderdikideei lekua uzteko. Modu horretan bakarrik eskuratzen ahal da sortutako tentsioa apaltzea eta elkarbizitza hobetzea. Podemos-Ahal Duguren Herritar Kontseiluak azkenik helarazi duen mezua da, bat egiten segitzen dutela Programaren Gaineko Akordioarekin, alegia, aldaketaren gobernuarekin.

Kritikoen erantzun isila

Carlos Couso izan da gaur Mahai eta Eledunen batzarraren ondoren komunikabideen aurrera irten dena. Eta hain zuzen ere hedabideen aldetik jakin du Podemos-Ahal Duguren Herritar Kontseiluaren oharraren berri. Ez du baloraziorik egin nahi izan barneko kontuak direlakoan.

Albiste hau Euskalerria Irratiaren webgunean argitaratu da eta ARGIAra ekarri dugu CC by-sa lizentzia baliatuta


Kanal honetatik interesatuko zaizu: Nafarroako politika
Bonbak eta munizioa jaurtiko dituzte aste guztian Bardeako tiro poligonoan

Herrialde askotako hegazkinak izanen dira Bardean gerrarako ariketa militarrak egiten. Benetako bonbak eta munizioa erabiliko dituzte horretarako. Aste osoan izanen dira lan horietan eta Poligonoaren Aurkako Asanbleak zalantzak ditu segurtasuna ziurtatuko ote duten... [+]


Mikel Oteiza, Atarrabiako alkatea: “Gure eraikinetatik euskalduntasunarekin lotura duten ikur eta adierazpen guztiak modu basatian ari dira ezabatzen”

Tristeziaz hartu du Atarrabiako alkateak Nafarroako Justizia Epaitegi Nagusiaren epaia. Euskal Herriko armarria ezabatu beharko du herriko frontoiko hormatik. “Bere garaian ikurriña kentzera behartu ziguten bezala” adierazi du Euskalerria Irratian Mikel... [+]


Iruñeko Udaleko aurrekontu hitzarmena sinatu dute lau indarrek

EH Bilduk, PSNk, Geroa Baik eta Zurekin Nafarroak hitzartu dute akordioa.


2024-03-04 | Ahotsa.info
Nafarroako autogobernua eta herritarren borondate demokratikoa errespetatzea eskatu dute Iruñean

"Nafarroa defendatu" manifestua kaleratu eta sinatu duten 120 alkateek egindako deialdiari erantzunez, Iruñeko Sarasate Pasealekuan elkarretaratzea izan da larunbat arratsaldean. Auzitegi Gorenak Trafikoaren eskumena Nafarroari transferitzea baliogabetzea... [+]


Eguneraketa berriak daude