PlaZ! hautagaitza: "%0,1 berdintasunerako eta %15 mugikortasunerako?"

  • PlaZ! hautagaitza feminista sortu berri da Donostian. Udalean zinegotzi kargua edo berdintasun teknikaria jarrita soilik feminismoaren ikuspegiak ezin direla behar bezala garatu argi dute hautagaiek. Udal bizitzan, gizakien bizitza erdigunean jarri behar dela aldarrikatzen dute.

Onintza Irureta Azkune @oirureta
2015eko urtarrilaren 27a
PlaZ! taldeak hautagaitza feminista Donostian aurkeztu zueneko agerraldia. Argazkia: Juan Carlos Ruiz /Argazki Press

Bestelako elkarteekin elkarlanean

Feminismoaren ikuspegi diferenteekin egin nahi dute bat PlaZ!eko kideek eta gizartean lanean ari diren bestelako elkarteekin ere bai, hala nola, Kaleratzeak Stop, etorkin taldeak, bestelako behartsuak eta dibertsitate funtzionala duten taldeak. Josebe Iturriozen ustez, taldeok lehentasunak aldatzeaz ari dira hizketan, eta pertsonak erdigunean jartzeaz: “Guk urte asko daramatzagu hori esaten. Uste dugu talde horiek ideia feminista asko hartu dituztela nahiz eta ez diren hala balira bezala ageri”.

“Gatazkaz" gaindiko bestelako bortizkeriak

Iturriozek bortizkeria matxistaz honako gogoeta egin zuen hautagaitza feminista aurkeztu zuten egunean: “Bake prozesuan gaudela entzuteaz nazkatuta gaude, eta bortizkeriaz hitz egiten denean “gatazkaz" soilik aritzeaz. Guk, emakumeak, lesbianak, transexualak, etorkinak, dibertsitate funtzionala dutenak, maritxuak, txiroak, gizarte zeharo bortitzean bizi gara”.

Berdintasun politikak Donostian

Ana Txurruka eta Agurtza Zuberoren iritziz, “berdintasun politikak inoiz ez dira inorentzat lehentasuna izan, ez gobernuek ez oposizioek ez dute lan sakonik egin Donostia ikuspegi feministatik hobetzeko. Inork ez du sinetsi feminismoak gobernu proposamen osatua egin dezakeenik”.

Aurrekontuak

Txurrukaren ustez, aurrekontuak begiratuta antzeman liteke udalak indarrak non jartzen dituen. Berdintasun politiketarako aurrekontuaren %0,1 erabiltzen da; mugikortasunerako %15, udaltzaingorako %6,4; eta hirigintzarako %5,8. Txurrukaren hitzetan, “aurrekontuaren %0,1 biztanleriaren %50arentzat”.

Plazandreok

PlaZ! plataforma Plazandreok hautagaitza politikoaren oinordekoa da. 1995ean aurkeztu zen Donostiako Udaleko hauteskundeetara.

Kanal hauetan artxibatua: Feminismoa  |  Politika  |  Donostia

Feminismoa kanaletik interesatuko zaizu...
2018-02-25 | Reyes Ilintxeta
Uxua Lopez, telekomunikaziotako ingeniaria
"Emakumeen talentu guztia baliatu behar dugu galtzen ari garen klima aldaketaren borrokan"

80 emakume zientzialari espedizio batean ari dira egunotan Antartikan, tartean da Uxua Lopez. Duela bi urte ehuntzen hasi zen 1.000 emakume adituren sareko kide dira. Emakumeen lanari ikusgarritasuna ematea da lehen urratsa. Hurrengoa, klima aldaketaren inguruan erabakiak hartzen diren guneetarako bidea irekitzea, berandu baino lehen.


Gorputz ez-onartuak

Euskaldun askok Goya sarien gala adi-adi ikusi genuen Handia filmagatik. Gala hartan emakumeen eskubideen aldarria egingo zela iragarri ziguten, andreon ikusgarritasuna errebindikatu, feminismoa ahotan hartu.

Baina itxurakeria baino ez zen egon; izan ere, hainbat emakumeren gorputzak izan ziren ekitaldi guztian zehar mintzagai. Andra batzuen loditasuna, hain zuzen ere. Andrazko batek aitatu zuen filma errodatutakoan baino argalago zegoela. Beste batek hirugarren bati esan zion dietista bera,... [+]


2018-02-20 | ARGIA
40 herrialdetako 700 lagun Chiapasko emakumeen topaketetan

Artea, politika, kultura eta kirola izango dira hizpide eta parte-hartzaileek 200dik gora proposamen egin dituzte.


2018-02-20 | ARGIA
Emakumeok* planto: deialdiak zehazten ari dira martxoaren 8ko greba feministarako

Euskal Herriko Mugimendu Feministak Martxoaren 8an “planto” egitera deitu du. Lau arlotan jarri dute fokua antolatzaileek eta horietan izango dira aldarrikapen nagusiak greba egunean: lan greba, zaintza greba, ikasle greba eta kontsumo greba. Egunaren nondik norakoak zehazteko asanbladak antolatzen ari dira hainbat eskualdetan. Datozen egunetan emango dituzte xehetasun gehiago antolatzaileek.


2018-02-19 | Hala Bedi
Arabako Gazte Feministen II. Topaketak burutu dituzte Zuian

Otsailaren 17an ospatu zituzten Zuian Arabako Gazte Feministen II. Topaketak, herrialdeko eragile ezberdinetako kideak bilduz Gaztetxean. Arabako neska gazte feministen diskurtsoa eta erantzun moldeak izan zituzten aztergai, beste kontu askoren artean.


2018-02-18 | Ander Perez
Dau García Dauder. Aniztasuna ikustarazten
"Dualismoaren tirania birpentsatu beharko genuke"

“Gorputzen aniztasuna” da intersexualitatea García Dauderrentzat. “Lekzio bat”, haren hitzetan, gizon eta emakume eskematik harago bestelako gorputzak daudela erakusteko. Hain zuzen, logika dualista horri aurre egiten dihardu, bai militantzia arloan, eta baita akademian ere. Txikitatik aniztasuna erakustea nahiko luke, gizartearen begirada dualistarekin bukatzeko.


Leire Txakartegi eta Jone Bengoetxea (ELA)
"Emakume guztiok greba orokorra egingo bagenu, sistemak huts egingo luke"

Greba joko-zelai ezaguna da sindikatuentzat, ez ordea, lan produktiboaz haragoko jokalariak zelaira ateratzea. Partida honek, ordea, mugimendu feminista eta sindikalgintzaren elkar ezezagutza eta mesfidantza historikoak jokoan jarri ditu. Leire Txakartegi eta Jone Bengoetxea ELAko genero politikak saileko arduradunekin hasi dugu partida.


2018-02-12 | Guaixe .eus
Emakumeen obra emakumeen egunerako

Martxoaren 8an, Emakumeen Egunean, Arbizuko Udalak erakusketa jarri nahi du udaletxeko batzar aretoan.


Gorputzak ehuntzen

“Genero praktikak” ikastaroa antolatu zuten urte hasieran Oiartzunen Ehuntze Sormen Espazioak eta Metrokoadroka kolektiboak. Gorputzetik sortu, gorputzetik hitz egin eta gorputzetik komunikatu daitekeela irakatsi zuten. Generoari buruzko diskurtso potolorik gabe, jolasa eta intuizioa bidelagun hartuta.


XXI. mendea: iraultza feminista

Errusiar iraultzaren mendeurrena zarata gehiegirik gabe pasa da, sozialismoa ahaztu beharreko zerbait dela sinetsi du munduak, eta ekologismo green delakoa kapitalismoak irentsi du. Neoliberalismo finantzario tekno-zoroak ez du aurkaririk. Zer eska diezaiokegu berri onik ematen ez digun mende honi?

Nik feminismoaren gorakada geldiezina eskatzen diot. Feminismoak pertsonen arteko zapalkuntzak berrulertu eta birpentsatzeko tresnak ematen dizkigu, lanaren kontzepzioa zabaldu eta gure... [+]


Azkenak
EGILEA
Eguneraketa berriak daude