PKK-k bertan behera utzi du Turkiarekin zuen su etena

  • Su etena amaitutzat eman du igandean PKK Kurdistango Langileen Alderdiak, Firat agentzia Kurduari igorritako agirian.


2015eko uztailaren 27an - 10:04
Azken egunotan asko gaiztotu dira Turkiar Gobernu eta kurduen arteko harremanak (Argazkia: Junge Welt)

PKK-k esan du “Estatu turkiarraren gerra ofentsibak  ez dituela orain bi urtetik PKK-k iragarrita zuen su-etenaren baldintzak betetzen”. Alderdi Kurduak gaineratu du gatazkak “PKK eta Turkiar Gobernuaren aurkako borroka izateari utzi diola. Herri kurduaren eta indar demokratiko turkiarren arteko gerra “amankomuna” dela Recep Tayyip Erdogan, Turkiako presidentearen “diktaduraren” aurka.

Honez gain, Abdullah Öcalan PKK-ko buruzagia kartzelan mantentzea gogor gaitzetsi du, “lan handia egin baitu bake prozesua bideratzeko”.  

Turkiako Gobernuaren eta kurduen arteko tentsioak gora

Azken egunetan Turkiako Gobernu eta kurduen arteko harremanak asko gaiztotu dira: Joan den astean Estatu Islamikoak Kurdistanen egindako atentatuan Kobanera laguntzera zijoazten 32 lagun hil zituen.

Turkiar gobernuak atentatuarekin zerikusia zuela iritzita PKK-k bi polizia hil zituen.

Turkiak atxiloketa masibo eta bonbardaketekin erantzun du: Kurduen aurkako atxiloketak biderkatu egin dira: Turkiako hauteskundeetan botoen %13 jaso zuen HDP, Herrien Alderdi Demokratikoaren kontra jotzeaz gain YDG-H, Kurdistango talde ezkertiarreko militanteak atxilotu dituzte. 600 lagun inguru dira Turkiar gobernuaren arabera, eta 1.000 iturri kurduen arabera.

Turkiako hegazkin militarrak ere kurduen nahiz Estatu Islamikoaren aurka jo dute. Kurdiscatek jaso duenez gutxienez PKK-ko hiru miliziano hil dira Turkiako militarren erasoen ondorioz. Lurretik ere sartu dira militar turkiarrak Iraken menpe dagoen Kurdistango lurretan.

Turkiako Gobernuaren politiken aurkako mobilizazioetan Turkiako poliziak 21 urteko gazte bat hil zuen igandean. Egun berdinean bertan HDP alderdiak Istanbulen bakearen aldeko martxa iragarrita zuen. Junge Welt egunkari alemaniarraren arabera, 100.000 lagun inguru espero ziren mobilizazioa debekatu egin zuen Turkiako Gobernuak.

Honez gain ostiralean PKK-k polizi etxe bat erasotu turkiar polizia bat bahitzeaz gain bi polizia hil zituen Kurduen gotorleku den Lice herrian.

PKK-k (Kurdistaneko Langileen Alderdia) 2013ko martxoaren 23an alde bakarreko su etena aldarrikatu zuen.


Kanal honetatik interesatuko zaizu: Kurdistan
2024-03-24 | Aitor Aspuru Saez
Ibrahim Bilmez
"Öcalanen aurkako sistema garatu du Turkiak Imraliko espetxean eta beste preso politikoen aurka baliatu du"

Ibrahim Bilmez abokatua da eta Abdullah Öcalan buruzagi kurdua da bere bezeroa. Bere isolamendua salatu du Euskal Herrian otsailean, Turkiako errepresio eta inpunitate mekanismoak azalduta.


2024-02-15 | El Salto-Hordago
Ocalan, 25 urte preso eta erabat isolaturik, Espainia eta Europar Batasunaren oniritziarekin

1999ko otsailaren 15ean Abdullah Öcalan atxilotu zuten, Kurdistango Langileen Alderdiko (PKK) eta mugimendu independentista kurduko burua. Turkiako zerbitzu sekretuek Kenyan atxilotu zutenetik, Marmara itsasoko uharte batean dagoen Iämralä-ko kartzelan isolatuta... [+]


2024-02-04 | Aitor Aspuru Saez
Lara Vilanova
"Estatu Islamikoko emakumeekin zubiak eraiki genituen elkarrizketarako, baina zintzoak izan behar ginen eta gezurretan ez erori"

Lara Vilanova (1983, Bartzelona) argazkigintza zuzendaria da eta The Return: Life after ISIS, Sinjar, Cuerdas edota Hondarrak filmetan hartu du parte. Abenduan Euskal Herria bisitatu zuen The Purple Meridians topaketetan parte hartzeko Durangon.


Urtzi Urrutikoetxea
"Ohorezko krimenen ondorioz eraildako emakumeen hilkutxak emakumeek eurek eramateak sekulako eragina izan du Kurdistanen"

Urtzi Urrutikoetxea nazioarteko kazetariarekin mintzatu gara Radio Kobanen, iaz idatzitako Kurdistan-Argi bat ekialde hurbilean liburuari buruz. Testuak azken urteetako gertakizunei erreparatzen die, eta atzerago ere begiratzen du herri kurduaren egoera politikoa eta... [+]


Eguneraketa berriak daude