Esa urtegiaren eskuin hegalean pitzadura berriak sortu dira, Lanak gelditu eta Rio Aragon elkarteek salatu dutenez. "Lur mugimenduak gertatzen dira oraindik ere, Ebroko Konfederazio Hidrografikoak dioen arren jada ez dela halakorik sumatzen", azaldu dute aipatu elkarteek.
Hain justu, Konfederazioak etxera itzultzeko baimena eman die otsailean irtenarazi zituzten Lasaitasuna urbanizazioko 44 familietako bederatziri. Oraindik bakarrak ere ez du etxera itzultzea erabaki, inork ez dielako ziurtatu berriro irten beharra izango ez dutenik, Lanak gelditu plataformak adierazi duenez.
Bost eskaera zehatz egin dituzte kaltetutako herritarrek: Esa handitzeko obrak geratzea, ura maila seguruetara jaistea, ikerketa geologiko zorrotza egitea, aditu independenteek datu guztiak analizatu eta konponbideak proposatzea, eta alternatibak abiatzea.
"Segurtasun faltagatik" geldirik daude Esa urtegia handitzeko lanak Rio Aragon Elkartearen esanetan. Lan horien kontratua eteteko eta proiektua berrikusteko eskatu du talde horrek. "Bideragarritasun eza" onartzeko eskatu diote Ebroko Ur Konfederazioari.
Lanak duela 22 urte hasi ziren, baina urtegiaren eraikuntzak hamaika arazo izan ditu, eta oraindik lanek atzera-aurrera jarraitzen dute. Rio Aragón elkartearen eskaerari erantzunez, lanak 2027an bukatzea aurreikusten duela erantzun du CHE Ebroko Konfederazio... [+]
Ikerketa geologikoek behin baino gehiagotan ohartarazi dute, eta, orain, satelite bidezko zaintzatik heldu da abisua: Esako urtegia ez da egonkorra. Copernicusek, Lurra behatzeko Europako Batasunak abian jarritako programak, "mugimendua" antzeman du urtegiaren... [+]
Euskal Herria zeharkatzen dutenen artean ibairik handiena da Ebro. Haren ertzean mintzatu gara, Ollero bizi den Zaragozako sarreran, lertxunaren ibili geldoa, txorien kanta zoroa eta ibaiaren emari barea lagun, udaberria 33 gradura lehertu den arratsaldean, zorionez arbolen... [+]
Urtegiaren eskuin hegalak desegonkor jarraitzen duela eta, beraz, arrisku maila bat dagoela ondorioztatzen du. Txostena Ingeotyc enpresako Valentin Ibarra eta Tomas Morales geologoek egin dute Zangozako Udalaren enkarguz.