Piromanoa suhiltzaile-buru: Saudi Arabia NBEren Berdintasun Batzordean sartu da
“Emakumeen eskubideak bultzatzea, berdintasun eta ahalduntze estandarrak definitzea eta mundu osoko emakumeen bizimodua dokumentatzea” dira NBEren Berdintasun Batzordearen helburuak. 45 herrialdek osatzen dute eta horietako bat Saudi Arabia izango da hemendik aurrera.
Europar Batasuneko bost herrialdek Riadeko gobernua batzordean sartzearen aldeko boza sekretua eman dutela ziurtatu du Hiler Neuer UN Watcheko zuzendariak. Haren iritziz, Saudi Arabia emakumeen eskubideak babesteko batzorde batean sartzea “piromano bat suhiltzaileen buruan jartzea bezalakoa” da. Emakume saudiarabiar guztiei jaiotzetik bizitza osoan kontrolatuko dituen “gizon zaindari” bat ezartzen zaiela salatu du eta, beste gauza batzuen artean, gidatzea debekatuta dutela.
Helen Clark NBEren Garapenerako Programaren administratzaile ohiak, berriz, begi onez hartu du Saudi Arabia batzordean sartzea: “Emakumearen alde lan egiten duten herrialdeak babestea garrantzitsua da eta Saudi Arabian gauzak aldatzen ari dira”, adierazi du.
Munduko Ekonomia Foroak 145 herrialderen artean 134. tokian kokatu zuen Saudi Arabia genero berdintasun ezaren inguruan egindako txostenean 2015ean. Herrialdea NBEko Giza Eskubideen Batzordeko kide ere bada.
Emakumerik gabeko emakumeen kontseilua
Saudi Arabiak emakumeen lehen kontseilua sortu zuen martxoan. Emakumeen eskubideen aldeko taldeek modu positiboan hartu zuten ekimena, baina batzordearen lehen batzarraren ostean iritziz aldatu zuten: ekitaldiaren argazkian hamahiru gizon agertzen ziren, eta emakumerik ez.
Emakumea oso larri dago erietxean, Sud Ouest egunkariak jakinarazi duenez. Haren bikotekidea izan daitekeen gizona fidantzarik gabeko atxiloaldian sartu dute, aurrekariak dituelako.
Incel, involuntarily celibate hitzetatik hartutako terminoa da. Euren nahien kontra harreman sexualak izateko gai ez direla dioten pertsonez osatutako komunitate birtuala da. Batez ere, gizon heterosexual zuriek osatzen dute ‘azpikultura’ hau. Metropoli Forala... [+]
Indarkeria matxistaren datu "onartezinak" salatu ditu Txibite presidenteak. Izan ere, Nafarroan erregistratutako salaketen %17 sexu-indarkeriagatik dira. Hartara, bihar zabalduko duten Sexu Indarkerien Arreta Integraleko Zentro "seguru eta konfidentzialaren"... [+]
Ama diren 938 emakumek dute zaintzapeko polizia Nafarroan, erasotzaileengandik babesteko.