Nafarroako Unibertsitate Publikoak Pio Baroja: sormena, ezagutza eta bizitza liburua kaleratu du. Bertan, hogeita bost idazlek idatzitako beste hainbeste artikulu bildu dituzte. Pablo Antoñanak, Edu Zelaietak, Patziku Perurenak, Mikel Tabernak eta Alberto Ladronek idatzi dituzte, besteak beste, artikuluak. Bestalde, idazlearen argazkiak, eskuizkribuak, erretratuak, pinturak eta liburuak daude ikusgai Nafarroako Museoan zabaldu duten Pio Barojaren memoria erakusketan. Azkenik, Barojaren heriotzaren urteurrenaren inguruko ekitaldien barruan, Ikerketa Barojazaleen Biltzarra antolatu du Nafarroako Gobernuak.  Iruñean apirilaren 20tik 22ra egingo da biltzarra.