Petrolio ekoizpena izoztea adostu dute Saudi Arabiak, Errusiak, Venezuelak eta Qatarrek
Mundu osoko petrolio ekoizlerik handienek, Saudi Arabiak, Qatarrek, Venezuelak eta Errusiak, urtarrileko petrolio ekoizpenari eustea hitzartu dute akordioan, Mohammad bin Saleh al-Sada Qatarreko Energia ministroak jakinarazi duenez. Iranek eta Irakek ez dute bat egin hitzarmenarekin, El País hedabideak jaso duenez.
Hitzarmenaren helburua da petrolioaren prezioak gehiago ez jaistea. Izan ere, petrolioaren prezioa amildu egin da azken urte eta erdian; iaz baino %5 gutxiago balio du Europan erreferentzia gisa balio duen Brent upelak. 2014ko ekainean 115 dolarrera saltzen zen, eta astearteko lehen orduan 34 dolarretan ari zen kotizatzen Londresko merkatuan, akordioari buruzko zurrumurruek %6ko igoera eragin ondoren. Gehiegizko produkzioak eragin du petrolioaren prezioaren jaitsiera.
Ali Al-Naimek, Saudi Arabiako Energia ministroak, adierazi du ekoizpena ez handitzea “egokia” dela merkatuarentzat eta gaineratu du “hurrengo hilabeteetan aztertuko dituztela merkatua egonkortzeko ondoren eman beharreko pausoak”. Olivier Jakob Petromatrixeko aholkularia ere iritzi berekoa da: “Hitzarmen horrek ez du ondorio lazgarririk izango, eta urtearen bigarren erdian prezioak igotzen lagunduko du”.
Petrolio ekoizpena eta esportazioa mugatuta izan ondoren, Iran petrolioaren merkatura itzultzeak –igaro den asteburuan, petrolioz kargatutako petrolio-ontzi bat abiatu zen Irandik Europako portuetara– eragin zuen eskaintzaren presioa handitzea.
Klimaren arazoa ingeniaritza kontu bat soilik ote da? Atmosferaren berotegi efektua indartu du munduaren industrializazioak, karbono dioxido kopuru erraldoiak isuri baititugu airera, gure biziraupena kolokan ezarri arte. Zergatik ez, beraz, karbono dioxido hori berriz harrapatu,... [+]
Israelek 2023ko urrian Gazako sarraskia hasi zuenetik, petrolioa jasotzen aritu da itsasoz munduko txoko askotatik, petrolio enpresa handienek hornituta. Petrolio horren zati bat armada hornitzeko erabiltzen da palestinarren kontrako erasoekin segi dezan.
2021ean sartu zuen indarrean beherapena Espainiako Gobernuak, baina pasa den urtarrilean ekin zion hura goratzeari. BEZa igota, batez beste, %15 garestituko da urteko kostua. 2023an, inoizko emaitzarik onenak lortu ditu Iberdrolak.
Davoseko talaimendi distiratsu eta zuritik hitz egin digu Repsoleko sheriffaren ahotsak, denok entenditzeko moduan: “We have to broaden our mind”. Alegia, mentalitatea zabaldu behar dugula, ezin dugula pentsatu erregai fosilik gabe bizi gaitezkeenik. Ze uste zenuten... [+]
Elkarrekin-Podemos taldeak informazioa eskatu du Eusko Legebiltzarrean, Lemoako Bistibietako zabortegian egon daitekeen hondakinen inguruan. Ekologistek sarritan salatu dute bertan gorde zituztela 2002an hondoratutako Prestige petroliontziak askatu eta euskal arrantzaleek itsaso... [+]