Peruko presidentearen gainbehera

  • Pedro Pablo Kuczynski (PPK) Peruko presidenteak dimisioa eman du asteazkenean. Presidente ohia kargua uztera bultzatu dituen arrazoi nagusiak hiru dira: Alberto Fujimoriren indultua, Odebrecht kasua eta botoen eroskeria. Kanadan Peruko enbaxadorea den Martín Vizcarrak ordezkatuko du Kuczynski.

Maddi Txintxurreta @mtxintxurreta
2018ko martxoaren 23a
Pedro Pablo Kuczinsky eta Moisés Mamani (Arg: La República)

“Egoera konplikatu honen aurrean, bidegabeki errudun gisa seinalatua, onena da Errepublikako presidentetza uztea”, esan zuen Kuczynskik agur mezuan. Egoera konplikatuan izan da Peruko presidente ohia kargua hartu zuenetik, eta dimisioa ematea erabaki du.

Odebrecht kasua

Albertu Fujimoriren diktadura 2.000. urtean amaitu zenetik, Peruko exekutiboak etikoki zalantzagarriak izan diren jarrerak izan ditu. Errepublikako presidente ohien egungo egoera da horren froga: Alejandro Toledo ihesean, Ollanta Humala preso, eta Alan García susmagarri. Eta, asteazkenaz geroztik, Kuczinsky auzipetuta Odebrecht kasuarengatik. Kuczinsky Peruko presidente hautatu zuten Latinoamerikako ustelkeria kasu gordinena azaleratu baino sei hilabete lehenago. Lava Jato operazioak agerian utzi zuen Kuczinsky-k Odebrecht Latinoamerikako eraikuntza enpresa boteretsuenaren kasuarekin duen lotura.

Oderbrecht-ek onartu zuen kargu publikoei eroskeriak ordaindu zizkiela 2001etik, lizitazioen truk. Eroskeriaren zenbatekoa 785 milioi dolarrekoa izan zen. Munduko Bankuari eta Oderbrecht enpresari lotuta egon zen Kuczinsky urte luzez eta orain Peruko Justiziaren eskuetan dago ustelkeriagatik.

Fujimoriren indultua eta eroskeria

Abenduaren 24an, Pedro Pablo Kuczinsky-k indultua eman zion Alberto Fujimori Peruko diktadore ohiari. Fujimori kartzelan zegoen gizateriaren aurkako krimenak egotzita. 2016ko ekaineko hauteskundeen bigarren bueltan, Kuczinsky-k estu irabazi zion Keiko Fujimori (Fuerza Perú) Alberto Fumijoriren alabari, botoen %50,12rekin. PPKren alde bainoago, Keiko Fujimoriren aurka bozkatu zuten perutar askok, eta horiek traiziotzat jo zuten diktadoreari emandako indultua.

Indultuarekin Fujimori familiaren laguntza lortu nahi zuen Kuczinsky-k, eta Odebrecht kasuak zipriztindu zuenean, kargua mantentzea lortu zuen fujimoristen botoei esker. Alabaina, PPKri laguntza eman baino, fujimoristek presidentearen dimisioa eragin zuten, Kuczinsky botoen eroskeriarekin lotzea lortu baitzuten bideo bidez. Fuerza Perú alderdiko kide batzuk agertzen dira Moisés Mamani biltzarkide fujimoristak grabatutako bideoan, eta onartzen dute PPK-k bere kargugabetzearen kontra Kongresuan bozka emateko ordaintzea promestu ziela.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Ustelkeria  |  Peru

Ustelkeria kanaletik interesatuko zaizu...
2018-06-19 | Axier Lopez
Munduko Kopak badu irabazlea

Estadio, taberna eta albistegietako orroak futbola ez den gainerako guztia estaltzen hasi dira, baita nazioarteko futbolarekin lotutako negozio ilun eta ustelak ere. 2015eko AEBetako fiskal nagusiaren hitzak ahanzturaren zingiran urperatu dira jada: “Futbolaren kupuletan agerikoa, sistematikoa eta sakonki errotutakoa da ustelkeria”. Errusiako gizonezkoen munduko futbol txapelketari begira izango dira 3.400.000 lagun, FIFAren datuen arabera. Eta badakigu kiroletik baino negoziotik... [+]


Ustelkeriak Sabin Etxearen atea jo du

Euskal Herrian inoiz epaitu den ustelkeria kasu handienetakoa da De Miguel auzia. Besteak beste, dirua zuritu, legez kanpoko komisioak jaso eta hirigintza operazioekin iruzurra egitea egozten diete Alfredo de Miguel Arabako EAJko buruzagi ohiaz gain auzipetutako beste 25 laguni, horietako asko alderdi jeltzaleari oso lotuak. Ikusteke dago euskal Gürtelak zer faktura ekarriko duen, baina Sabin Etxean aspaldi ari dira altzariak estaltzen alderdia ahalik eta gutxien zipriztintzeko.


De Miguel auziko hiru inputatuk 170.000 euro jaso zituzten kalte-ordain gisa "bidegabeko kaleratzeagatik"

De Miguel auzian inputatuta daude hirurak eta denera 170.000 euroko kalte ordaina jaso zuten, Hala Bedik argitaratu duenez. Ustelkeriagatik EAEko epaiketarik handiena da eta EAJko kide ohi ugari daude akusatuen aulkian.


Osakidetzako oposizioetan, hamar espezialitatetan iruzurra egon dela salatu du LAB sindikatuak

Osakidetzako oposizioetan iruzurra egon dela salatu du LAB sindikatuak eta salaketarekin bat egin dute ELA eta ESK sindikatuek ere, baita oposizioko EH Bildu, Elkarrekin Podemos eta PP talde parlamentarioak ere.


2018-06-05 | Nahia Ibarzabal
Osakidetzako iruzurraren aurrean Darpon sailburuak lasaitasunerako deia egin du

Jon Darpon osasun sailburuak asteleheneko prentsaurrekoan, lasaitasun mezua igorri die azterketagileei eta epai mahaia osatzen duten Osakidetzako profesionalei.


Gürtel auziaren epaia atzeratu egin zen, Espainiako aurrekontuen babesa kolokan ez jartzeko

Epaia presio politikoengatik atzeratu da: boto partikularra ez zen maiatzaren 21ean eman Ciudadanosek eta EAJk aurrekontuei emandako baiezkoa kolokan ez jartzeko.


Fauna publikoa
Yanny ala Laurel

Segun eta zeinek entzuten duen, Yanny ala Laurel esaten du Whatsapp bidez zabaltzen ari den audio batek. Nahiko flipatuta dabil jendea ia mundu guztian kontuarekin. Hemen ez hainbeste, euskaldunok ohituta baikaude horrelako fenomenoetara EAJren azkenaldiko politikari esker.


2018-05-28 | ARGIA
PPk Bilboko egoitza ordaindu zuen, ustez, 'ETAren mehatxutik babesteko' bildutako diruarekin

Eldiario.es hedabideak zabaldu duenez, Gürtel kasuaren sententzian irakur daitezke EAEko PP Alderdi Popularra Espainia mailakoak antolatuta zeukan ustelkeriazko sarearekin lotzen duten frogak. 


2018-05-24 | ARGIA
Gürtel auzia
PP da ustelkeriagatik zigortutako lehen alderdia Espainiako Estatuan

Orotara 351 urteko espetxe zigorra ezarri die Espainiako Auzitegi Nazionalak 37 akusatuetako 29ri, tartean Luis Bárcenas PPko diruzain ohiari (30 urte) eta tramaren buru Francisco Correari (54 urte).


2018-05-24 | ARGIA
Gutxienez 25 atxilotu Katalunian, diru publikoaren ustezko malbertsazioagatik

Gutxienez 25 lagun atxilotu ditu Espainiako Poliziak Katalunian, 2012 eta 2015 artean kooperaziorako ziren europar dirulaguntzak ustez desbideratzeagatik.


Azkenak
EGILEA
Eguneraketa berriak daude