Pentsiodunen aldarriak ez du etenik
Hego Euskal Herriko hiriburuak pentsiodunez bete dira, beste behin, asteburu honetan. Martxoko deialdiarekin alderatuz, Bilbo, Gasteiz eta Iruñeako parte hartzea jaitsi egin da. Aldiz, Donostian 10.000 manifestari gehiago izan ziren. 1.080 euroko gutxieneko pentsioa eta KPIa lortu arte borrokan jarraitzeko prest dira.
Milaka lagun batu ziren Bilbon, Donostian, Gasteizen eta Iruñean pentsio duinak aldarrikatzeko. Indar erakustaldia izan zen lau hiriburuetan, baita beste hainbat herritan ere, Eibarren esaterako. 70.000 pertsonatik gora atera ziren kalera, eta hiriburuen arabera banatuz gero zifra bera, hauek dira datuak: 33.000 baino gehiago Bilbon, 30.000 Donostian, 4.000 Gasteizen eta 1.500 inguru Iruñean.
Bestalde, ez ditu asebete EAJren eta PPren arteko akordioak. Pentsioek KPIaren araberako igoera izango dute aurten eta datorren urtean, baina hemendik hiru urtera %0,25eko igoera izateko “arriskua” benetakoa dela azpimarratu dute. “Oker dabiltza gure mugimendua geldiarazi nahi zutenak”, adierazi dute Bilboko Udaletxe aurrean.
Aurreko mobilizazioekin alderatuz, larunbatean gazte ugari joan ziren manifestazioetara. Helduen afera ez ezik, gazteen oraina eta etorkizuna ere jokoan dagoela gogoratu zuten Donostian Ernaiko kideek. Manifestazioek ezkerreko alderdien, sindikatuen, mugimendu feministaren eta gazte erakundeen babesa izan dute.
Euskal Herriko Pentsiodunen Mugimenduak bertso lehiaketa berezia jarri du martxan: "Bertsopentsiotan". "Ari garela, ari garela, astelehenero kalean" gaiari bertsoak jartzeko urtarrilaren 15a arte (astelehena) dute epea 60 urtetik gorako Euskal Herriko eta... [+]
1080€ Orain ekimenak, prentsaurreko bidez, larunbatean 17:30ean Baluarte plazatik abiatuko den manifestazioan parte hartzeko deia luzatu du. Eta gainera, dei berezia egin nahi izan diete nafar emakumeei, "pentsioetan ematen den genero arrakala ukaezina delako eta... [+]
Nafarroan 51.000 pertsona dira 1.080 eurotik beherako pentsioa dutenak. Horietatik %66 emakumeak dira. Nafarroako Gobernuak ardura har dezala eta gutxieneko pentsioak ziurta ditzala eskatzen ari dira.
Milaka pentsionista atera dira kalera astelehenean, txistulariekin eta konpartsekin batera, Bilboko Aste Nagusiaren oihartzuna aprobetxatuz. Hainbat erreibindikazio egin dituzte, hala nola 1.080 euroko gutxieneko pentsioa.
Espainiako Enpresarien Zirkuluak dio pentsioen sistema publikoak "bost urte barru" kiebra ez jotzeko modua dela 68 eta 72 urte artera luzatzea erretiro adina. AEBetan eta beste zenbait tokitan eskuin muturrak darabilen diskurtso bera erabili du lobby honek.