Erregai fosilen ustiaketan liderrak diren multinazional handienak biltzen dira apirilaren 5etik 7ra Biarnoko Pauen MCE Deepwater Development 2016 kongresuan, itsaso sakonetako zundaketa teknikak hobetzeko, klimaren aldaketa konpontzeko egindako COP21 mundu biltzarraren biharamunetan. BP, Exxon, Repsol, Total, Shell eta gainerako ekoizle erraldoiek aurrez aurre aurkitu dituzte Bizi, Nation Océan eta ANV-COP21 taldeetako kideak, bilerak oztopatzeko ahaleginean.
Antolatzaileek zabaldu dutenez, 500en bat boluntario bildu dira Paueko Beaumont jauregiaren inguruetan, biltzarrera sartu nahi duten agintari eta goi karguei lana oztopatzeko asmoz. 30 inguruk lortu dute goizean atariko pasabidea blokatzea. Action Non Violente-COP21 erakundea ari da zuzenean eskaintzen bilera atariko mugimenduak. Protestariek Emausen instalazioetan daukate egoitza nagusia.
Petroliogintzako erraldoiak oro Pauen dira egunotan: Total, Shell, Exxon, Repsol, BP, OneSubsea, ABS, Technip, Vallourec, Halliburton eta abar. Protestaren antolatzaileek salatu dute biltzarraren helburua doala COP21en munduko agintariek hitzartutako akordioen kontrako norabidean, kalte ekologiko larriak eragiten dituen ur sakonetako petrolioa hobeto ustiatzeko teknikak landu nahi baitituzte multinazionalek Pauen: offshore industriaren kostuak murriztu nahi dituzte teknologia berritzaileekin eta gainerako industriekiko elkarlanean efizientzia handituz, horrela ur sakonagoko petrolioa eta gasa ustiatu ahal izateko, kontuan eduki gabe erregai konbentzionalak zein merke dauden gaur egun.
"Pauen –diote protestarako deialdia egin dutenek– jokoan dago klimaren are deskontrol handiagoa: estatuek segitzen baldin badute uzten erregai fosilen korporazioei erregaiak gero eta urrunago eta sakonagotik ateratzen, ez dugu lortuko klimaren beroketa +2 ºC mailan kontrolatzea. Aitzitik, klimaren zoratze agertoki ilunenetaraino murgildu gintezke, hau da + 9ºCetara iristera, itsasoak klima orekatzeko duen gaitasuna ere hondatuz". Twitterrez #STOPMCEDD traolarekin jarrai daitezke biltzarreko gertakizunak.
2019an, Greziako Kasos uharteko uretan, ikerlan bat abiatu zuten Ikerketa Helenikoen Fundazio Nazionalak eta Greziako Kultura Ministerioak. Lanaren emaitza berriki jakinarazi dute: guztira, hainbat garaitako hamar ontzi-hondar aurkitu dituzte. Zaharrenak 5.000 urte inguru ditu... [+]
Eta arkitektoen burbuilean, krisi klimatikoaren gaineko kezka igartzen al da? Galdetu dit agroekologoak.
Eraikuntzaren sektorea CO2 emisioen portzentaje altuaren eragilea izanik, galderak zentzua badu. Naomi Klein-ek Honek dena aldatzen du liburuan kontatzen du nola hegazkin... [+]
2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]
Energia berriztagarria sortzeko proiektuek aurrera egin ahala, horien elektrizitatea garraiatzeko linea proiektuak ere azaleratzen ari dira. Horietako batzuk, adibidez, Nafarroa, Araba eta Bizkaia zeharkatzen dituzte.
"Baserriberri" du izena programak eta langabezian diren Euskal Herri osoko 12 ikasleri zurgintza formazioa emango die, erortzear diren baserriak berritzen ikas dezaten.