Patxi Lópezen bidaiak eta PSOEren balizko buruzagi aldaketa

  • Iberiar Penintsula alderik alde zeharkatzen ari da Patxi López azken hilabeteetan. Bertsio ofizialak dioenez, ez du Espainiako PSOEko buru izateko asmorik, baina oporren aurreko hiru hilabeteetan ugaritu egin dira Estatuko alderdiaren ordezkaritzetara egin dituen bisitak Noticias de Gipuzkoan Jurdan Arretxe kazetariak argitaratu duenez.


2013ko abuztuaren 19an - 00:00
Azken eguneraketa: 2015-02-26 13:37:33
Patxi Lopez bidaia ugari ari da egiten azkenaldian.

Gaztela-Leonen birritan egon da, beste hainbeste aldiz Extremaduran eta Madrilen; eta Errioxa, Aragoi, Murtzia, Balear eta Kanariar Uharteak bisitatu ditu Lópezek azkenaldian. Arretxeren arabera, mugimendu horiek egun PSOEko buru den Alfredo Perez Rubalcabaren ondorengo gisa kokatzeko egin ditu EAEko Lehendakari ohiak.

Bi plaza garrantzitsutan ez da egon López: Andaluzian eta Katalunian. Bi horiek dira Espainiako Estatuko alderdi sozialistan ordezkari gehien dauzkatenak eta ez dira gutxi haien baitan dauden tirabirak. Andaluziako PSOE ia bitan zatitua dago Noticias de Gipuzkoako kazetariak dioenez, ildo ofiziala alderdiaren 38. kongresuan Carme Chaconekin lerratu zelako (López berriz, Rubalcabarekin).

Baina, ba al dauka Lópezek Espainiako alderdi sozialista gidatzeko aukerarik? Rubalcabak hartzen duen jarreraren araberakoa da erantzuna. Lópezek ez lioke PSOEko egungo buruzagiari aurre egingo alderdi barruko hauteskundeetan eta beraz, momentuz, zarata handirik gabe alderdi barruko hariak mugitzen eta sareak trinkotzen ari dela dirudi. Urriko PSOEren konferentziak erakutsiko du Portugaletekoa noraino igo daitekeen.


Kanal honetatik interesatuko zaizu: Patxi Lopez
2023-12-13 | ARGIA
Patxi Lópezek ukatu egin du Iruñeko zentsura mozioa Sánchezen inbestidura baino lehen adostu zenik

Espainiako Kongresuan egiten ari diren eztabaidan oihartzuna izan du Iruñeko alkatetza aldatzeko PSNren eta EH Bilduren arteko akordioak. Alberto Nuñez Feijóok esan du "akordio enkaputxatu" bat dela. Patxi Lópezek, berriz, ukatu egin du... [+]


2020-06-10 | Mikel Eizagirre
Patxi Lopezek polizia-arrazakeriaren aipamenak ezabatu ditu Espainiako Kongresuko batzorde bateko saioen egunkaritik

Patxi Lopez Espainiako Kongresuko Berreraikuntza Sozial eta Ekonomikorako Batzordeko presidenteak erabaki du ERCko Marta Rosique diputatuak arrazakeria polizialaren inguruan egindako adierazpenak saioen egunkaritik kentzea. Lopezen aburuz, "ez da egia eta iraingarria... [+]


Patxi Lopez proposatu du PSOEk berreraikitze batzordeko presidentetzarako

Ostegunean bozkatuko dute koronabirusak sortutako kalte ekonomiko eta sozialei aurre egiteko Espainiako berreraikitze batzordeko presidentea. Bi hilabeterako proposatutako kargua da, baina luzatzea aurreikusten dute.


Patxi Lopez PSOEko primarioetarako lehen hautagaia

Patxi Lopez lehendakari ohia PSOEko primarioetara aurkeztuko da. Bere izena eman duen lehen hautagaia da eta Pedro Sanchez idazkari nagusi ohiak duen babesa bereganatu nahi du. Lopezek azaldu du ez duela beste hautagaitzarik oztopatzeko asmorik, “militantziak erabakitzea... [+]


Lopezek posible ikusten du EAJk proposatutako bidea, Euskadiren nazio izaera aitortzeko

Patxi Lopez PSE-EEko idazkari nagusi ohiak esan du "hitz egin daitekeela" EAJk “Euskadiren nazio izaera” aitortzeko egindako planteamenduari buruz.


Eguneraketa berriak daude