Patronalak eta sindikatuek negoziazio mahaia eratu dute

  • Sektorearteko akordioa eztabaidatzen hasteko aurre-pausoa eman dute. ELAren esanetan, Confebaskek jarrera aldatu eta “bake sozialaren baldintza” kendu du.

Urko Apaolaza Avila @urkoapaolaza
2016ko abenduaren 01a

Urtarrilean bilduko dira negoziazio mahaian lehen aldiz ELA, LAB, CCOO eta UGT sindikatuak eta Confebask patronala –mahai horretan izan nahi zuen Garen enpresa txiki eta ertainen elkartea kanpoan geratu da oraingoz–. Helburua: sektorearteko itun bat lortzea denen artean.

ELAren esanetan patronalaren aldetik izandako jarrera aldaketak ahalbidetu du mahaia osatzea, orain arte “bake soziala” egotea jarri izan baitute baldintza gisa enpresariek eta hori sindikatua abertzalearentzat marra gorri bat zen. Confebaskek asteazkeneko bileran aurkeztutako dokumentuan baina baldintza hori kendu behar izan du negoziatzen hasteko.

Garrantzia handiko prozesua hasiko da beraz datorren urtean, Espainia Estatuko lan erreformek ekarritako prekarizatzetik eta estatalizaziotik salbu egoteko konpromiso zehatzak adostu baititzakete: “Orain arte Confebask izan da horrelako akordio bat ekidin duena –azaldu du LAB sindikatuak–. Gogoratu behar da 2013an ezezkoa eman ziola”.

Bertako hitzarmenak estatuko hitzarmenen eta ultraaktibitatearen galeraren aurrean babestea eta negoziazio kolektiboa desblokeatzea izango dira eztabaidatzeko puntu nagusietakoak. Confebaskek ere “itxaropena” agertu du akordioa lortzeko eta “Euskadiko mahai sektorialetan lortutako edukiak lehentasunez aplikatu” ahal izateko.

Patronalak lehian

Bestetik, bai ELAk eta bai LABek nabarmendu dute patronalaren ordezkaritza zein izan behar duen jakiteko prozedura zehaztu beharko lukeela Eusko Jaurlaritzak. Negoziazio mahaia eratzeko bileran Confebask eta Garen elkarteen arteko lehia agerian geratu da euren ustez: “Bada garaia, hauteskunde sindikaletan sindikatuen ordezkaritza neurtzen den moduan, patronalaren ordezkaritza neurtzeko mekanismoak sortzeko” azaldu du LABek.

Kanal hauetan artxibatua: Langile borroka  |  Sindikalgintza  |  Confebask

Langile borroka kanaletik interesatuko zaizu...
Disney azaleratu zuen greba

Hollywood, 1923. Walter Elias Disneyk The Walt Disney Company sortu zuen. Sortzaileak etengabe gogorarazten zuenez, Hollywoodera eskuan kamera zahar bat zuela eta poltsikoan 40 dolar zituela iritsi zen.


ETAren ostean, zer?

ELAk urrats historiko eta positibotzat jotzen du ETA desegin izana. Behin iritsi delarik hainbeste kosta izan den ziklo honen itxiera, konpondu beharreko gai garrantzitsuak daude ebazteko: normalizazio politikoa, biktimak, presoak, estatus politikoa...


Sexu eta genero aniztasuna eskolan lantzeko unitate didaktikoa

Iraultzeko prest! unitate didaktikoa argitaratu berri dute, sexu eta genero aniztasuna ikasgelan lantzeko. Haur Hezkuntzatik Batxilergoraino, maila bakoitzera egokitutako materiala eta ekintzak proposatzen dira. “Jaio aurretik heterosexualak izango garela aurreikusten duen araua zalantzan jartzea” du helburu unitateak, “neska eta mutiletan, femeninoan eta maskulinoan banatzen gaituen eta rol jakinak esleitzen dizkigun heteroarauak guztiongan nola eragiten duen... [+]


Gipuzkoako eraikuntzako greba mehatxuak patronala estutu du beste proposamen bat egitera

Asteazkenean bildu dira Adegi Gipuzkoako enpresarien elkartea eta LAB eta ELA sindikatuak Gipuzkoako eraikuntza sektoreko hitzarmenaz hitz egiteko. Ez dira adostasunera iritsi, sindikatuek ez baitute nahikoa urrats ikusi patronalaren proposamenean. Hala, greba egiteko aukerak aurrera jarraitzen du; maiatzaren 22an izango da hurrengo bilera.


Itunpeko ikastetxe pribatuetako langileak greban, hitzarmena berritzea helburu

EAEko Gizarte ekimeneko itunpeko ikastetxeetako langileek (tartean Kristau Eskolakoek eta IZEA Irakaskuntza Zentroen Elkarte Autonomokoek) greba egin dute astearte eta asteazken honetan. Hiru urteko negoziazio eskaeren ostean, 10.000 langileri eragiten dien hitzarmena berritzeko patronalak jarrera “inmobilista” izaten jarraitzen duela salatu dute sindikatuek.


EAEko hezkuntza publikoak badu aurre-akordioa

EAEko irakaskuntza publikoko baldintzak hobetzea helburu izan duten urtebeteko mobilizazioen ostean, LAB, STEILAS, CCOO eta UGTk aurre-akordioa sinatu dute Eusko Jaurlaritzarekin. ELA sindikatuak ez du bat egin aurre-akordioarekin eta mobilizazioekin jarraitzeko asmoa agertu du.


2018-05-14
Mikel Noval / Xabi Irastorza
Katedra ez den "Confebask Katedra"

Pasa den maiatzaren 3an UPV/EHUko Ekonomia eta Enpresa Fakultatean “Lan-harreman eredu berriaren garapenerako Confebask Katedraren aurkezpena” egin zen, aldez aurretik dekanotzat irakasle eta ikasle bertaratzeko deialdia zehatza egin ondoren. Uztailaren 17an EHUren Uda Ikastaroetan “Confebask, EHU, Deustuko Unibertsitatea eta Mondragon Unibertsitatearen artean eratu duten Unibertsitate/Enpresa Katedraren helburuak eta hauen azalpen eta testuingurua” landuko dela dio.


2018-05-10 | Anboto
Texajax enpresa Lan Ikuskaritzan salatuko dute, kaleratutako ama "diskriminatzeagatik"

Zornotzako Abrasivos Texajax enpresaren aurka salaketa jarriko du LAB sindikatuak Lan Ikuskaritzan, "diskriminatu egiten duten enpresak zigortuak" izan behar direla uste dutelako. Ama izan ostean kaleratutako Janireren borroka "eredugarria" goratu du LABek gaur egindako agerraldian.


2018-05-09 | ARGIA
Hoteletako langileen greba deialdiari eusten diote sindikatuek

ELAk jakinarazi duenez, maiatzaren 23, 24 eta 25erako Gipuzkoako hoteletako langileen greba deialdiari eutsiko diote, asteazkenean patronalarekin egindako bileran ez baitute akordiorik lortu. ELA, LAB, CCOO eta UGT sindikatuek deitu dute greba.


2018-05-08 | Ahotsa.info
Piztu Alarma: laneko abusuei aurre egiteko tresna sortu dute Iru˝errian
MULTIMEDIA - erreportajea

Iruñerrian laneko abusuei aurre egiteko tresna sortu dute: Piztu Alarma. Ipar Euskal Herriko Alarma Soziala egitasmoan oinarrituta dago. Eñaut Aramendi ekintzailea Piztu Alarmaren lehenbiziko aurkezpen publikoan izan zen Iruñean eta Alarma Soziala zertan datzan esplikatu zuen.


Eguneraketa berriak daude