Pasaiako portuan izan da Guardia Zibila, gainkostuetan ustelkeria izan den ikertzen
Sei delitu zantzu aurkitu ditu Ustelkeriaren Aurkako Fiskaltzak. Portu Agintaritzako zuzendariaren arabera, “gainkostua justifikatua dago”.
Pasaiako lonjako lanetako gainkostuak ikertzen ari da Ustelkeriaren Aurkako Fiskaltza, eta kasua argitu dezakeen dokumentazioaren bila aritu da Guardia Zibila. Hamabost milioiko aurrekontuarekin esleitu ziren 2011ean, baina bost milioi euro gehiago erabili dira orain artean. Lanak amaitzerako beste sei gehiago izatea aurreikusten da, guztira %73 gehiago.
Lanen gainkostuaren baitan sei delitu zantzu aurkitu ditu fiskaltzak: Prebarikazioa, diru publikoa oker erabiltzea, agiriak faltsutzea, iruzur egitea, eroskerian aritzea eta ordainarazpen ilegalak egitea.
Cesar Salvador Portu Agintaritzako zuzendariak Euskadi Irratian adierazi duenez, baina, okerrak dira zantzuak: “Ez genuen operazioa espero. Administratiboki zalantzazkoak diren jarduerak egon litezke, baina hori ustelkeriarekin lotzea gehiegizkoa da”.
Astearte eguerditik gauerdira arte aritu ziren poliziak informazioa kaxetan ateratzen. Salvadorren esanetan, alferrikakoa da egin dutena: “Gurtel edo Acuamed auziak ikertzen ari diren sail bera da, baina ikusiko dute Pasaian ez dagoela iruzurrik. Gainkostua justifikatua dago”.
Ricardo Peña Pasaiako Portu Agintaritzaren presidenteak eskatu eta Espainiako Portuen Erakunde Publikoak abiatutako ikerketa batean oinarrituta dago ikerketa. Macarena Olona Estatuaren Abokatuaren bidez heldu da kasua fiskaltzara.
Pasaiako portuko langileen familiak bizi diren Trintxerpeko etxebizitza bloke bat bota nahi dute Pasaiako Portu Agintaritzak eta Euskal Trenbide Sareak, 400 metro inguruko trenbide zati bat egiteko. Lau hilabetetan etxea utzi behar dutela ohartarazi diete.
Irailaren 24an epaituko dute Donostiako Epaitegian 2018ko urrian, Herrera-Trintxerpe pasabidearen inaugurazioan, agintariei errautsa bota zien lezoarra. Markel Olano, Arantxa Tapia eta Eneko Goiari hautsa bota zien ondorengoa esaten zuen bitartean: "Hau da egunero jasaten... [+]
Zendutakoa 50 urteko garraiolaria da. Sukarra zuen hiltzerakoan, eta ondorioz Covid-19aren aurkako protokoloa aktibatu dute portuan.
Pasaiako portuko ekitaldi batean Eusko Jaurlaritzako Ekonomiaren Garapenerako sailburu Arantxa Tapia, Gipuzkoako ahaldun nagusi Markel Olano eta Donostiako alkate Eneko Goia bertan zirela errautsa bota zien 2018ko azaroan. ARGIAk hasiera batean esan duen arren martxoaren 11n... [+]
Txingurri errekak zuriz tindatu zituen Pasaiako badiako urak asteartean, Herrera inguruan. Eguzkin salatu du 2077an hasitako saneamendua osatu gabe dagoela eta hori bukatzeko zain daudela: “Hobe eserita itxaroten badugu”.