Bake prozesuaren berri eman eta euskal presoen aferan urratsak ematea izan du helburu Parisera joandako euskal ordezkaritzak, eta izandako zortzi bilkuren balorazio "baikorra" egin du.
Botere exekutibo eta legegilearekin bezala giza eskubideen inguruan lan egiten duten erakunde independenteekin bildu da Euskal Herritik joandako bakegile taldea, presoen gaian berehalako pausoak eskatzeko. Bilkuren ondotik eskainitako prentsaurrekoan Txetx Etxeberri bakegileak adierazi du "oso harrera ona" izan dutela, ez dutela biltzeko ezezkorik jaso, eta zenbaiten kasuan bidea egiten hasteko asmoa dagoela.
Azken ordukoak izan dira hitzorduak eta horrek zaildu egin ditu bilkura batzuk agenda arazoak medio, baina esaterako Frantzia Intsumisoko edo Alderdi Komunistako kideekin elkartzeko aukera izan dute. Abenduaren 9an Parisen egitekoa den manifestazioa antolatzeko irailean egingo den bilerara joateko asmoa azaldu dute biek.
Horrez gain, Justizia ministroaren kabineteburuarekin ere elkartu dira euskal ordezkariak. Ondorengo asteetan elkarrekin bideari ekingo diotela adierazi dute, eta emandako pauso horrek jarraipena izango duela.
Baraualdia Hiriburun
Bitartean, lau gaztek konponbidearen aldeko baraualdian jarraitzen dute Hiriburun, 'Konponbide gosez' deituriko ekimena. "Baikor" daude horiek ere Koldo Etxegarai baraualdiko kidearen hitzetan. 30-40 lagun egon dira orain arte egunero, antolatutako hitzaldi eta ekintzetan parte hartzen. Gehienak gazteak. Eragile eta alderdien babesa ere jasotzen ari dira. Bakegileez gain, Martine Bouchet CADE elkarteko kidea eta EIPK iheslarien kolektiboko kideak gerturatu dira azken egunotan eurengana, Bizi! mugimenduko zenbait kidek 24 orduko baraualdia egin dute lau gazteekin batera, eta hainbat hautetsiren bisita espero dute.
ETAren armagabetzea bideratzeko, bakegileekin lankidetzan aritu ziren Frantziako autoritateak. Hala adierazi du Matthias Fekl Barne ministro ohiak asteartean, Parisko Zigor Auzitegiko 16. ganberan, Beatrice Molle-Haran eta Jean-Noël Txetx Etcheverry-ren aurka egiten ari... [+]
ETAren armak eta lehergaiak garraiatzea leporatzen diete Beatrice Molle-Haran eta Jean-Noël Etcheverry 'Txetx’ bakegileei, 2016ko Luhusoko operazioaren harira. ETAren armagabetzea gauzatzen ari ziren. Egindakoaz harro dagoela eta berriz ere egingo lukeela adierazi... [+]
Xabier Atristain eta Juan Manuel Inziarte euskal presoak Martuteneko espetxera itzuli ziren joan den martxoaren 13an, Auzitegi Nazionaleko Espetxe Zaintzak haien hirugarren graduei fiskaltzak jarritako helegitea onartu ondoren.
Otsailaren 2an epaituko dituzte beste hamaika bakegile, uztailaren 23an autopista blokeatzeagatik. Elkarretaratzera deitu du Bake Bideak, datorren ostegunean 13:00tan jarriz hitzordua Baionako auzitegi aitzinean.
Etxera bidea gertu lelopean manifestazio bateratua egingo dute Sarek eta Bake Bidea-Bakegileek, pandemiagatik bi urtez mobilizazio jendetsu hori egin gabe egon ostean. “Duintasuna eta bizikidetza lortzeko itxaropena” ere izango dituzte aldarri, euskal presoen... [+]