Paris eta Belgikako konexioak

  • Gérarda Collomb Frantziako barne ministroak jakinarazitako datuen arabera, Cambrilseko hamabi laguneko taldeko lau kide izan ziren Parisen atentatuaren aurreko astean, Cambrilseko erasoan erabilitako Audi3a autoarekin.

Xabier Letona @xletona
2017ko abuztuaren 23a
Herritarrek Ramblako erasoaren lekuan jarritako lore mulzo handia.

Ez da esaten nor, baina abuztuaren 12an Frantziako hegoaldeko Essonne departamenduan harrapatu zuen radar batek autoa, baimendutakoan baino abiadura handiagoan zihoalako. Ikerketaren arabera, Younes Abouyaaqoub Ramblako furgonetaren gidaria beste norbaitekin aritu zen erosketak egiten Parisko saltokiren batean eta Paristik gertu dagoen hotel batean egin zuten gaua.

Ikerketaren Bruselako harian, aldiz, Abdelbaki es Satty dago, Alcanarreko leherketan hildakoa eta ustez talde jihadista antolatu zuena. Honek Belgikako Diegem herriko meskitan eskatu zuen lana 2016aren hasieran, baina ez zioten eman bertako kideei susmagarri egin zitzaielako; ez omen zuen ezer aipatzen bere iraganaz eta iman agiririk ere ez zuen erakutsi. Azkenean meskitako komunitatetik bota ei zuten.

Bi atxilotu espetxera

Espainiako Auzitegi Nazionalean deklaratu ondoren, lau atxilotuetatik bi espetxera bidali ditu Fernando Andreu epaileak. Mohammed Houli Alcanarreko txaletaren leherketan zauritutako 21 urteko gaztea, eta Driss Oukabir 28 urtekoa, Cambrilsen hildako Moussa Oukabirren anaia. Honek alokatu zuen Rambletako furgoneta, baina adierazi duenez, berak uste zuen altzariak mugitzeko zela.

Epaitegian astero aurkezteko baldintzarekin libre geratu da Mohammed Aallaa, 27 urtekoa eta Said Aallaaren anaia, Cambrilsen hildakoa hau ere. Herri honetako erasoan erabilitako Audi3 autoa bere izenean zegoen, nahiz eta egiazko jabea bere anaia zela uste den. Salh el-Karib da deklaratu zuen laugarren atxilotua eta epaileak 72 orduz luzatu du bere atxiloketa. Ripolliko telefono lokutorio bateko kudeatzailea da eta mossoek egoitza miatu arte jarraituko du etxiloturik.


Bartzelona eta Cambrilseko erasoak kanaletik interesatuko zaizu...
2017-10-22 | Saioa Baleztena
"Islamari erasotzeko egiten da emakume musulmanen eskubideen aldeko diskurtsoa"

Bartzelonako Udaleko Immigrazio, Kultura Aniztasun eta Dibertsitate zinegotzia da Lola Lopez (Galizia, 1957) antropologoa. Bizikidetzaren alde eta islamofobiaren kontra ibilbide luzea egin du Kataluniako hiriburuan, eta aurretik Kataluniako Ikus-entzuneko Kontseiluan (CAC) eta Zurrumurruen kontrako Sarean lanean aritua zen. 


Biolentzia, bakea bezalatsu, zerbaiten ondorioa da

Kataluniako erasoen ostean, batasun abstrakturako eta –inork ezagutzen ez dituen– Mendebaldeko baloreen defentsarako deiek estali nahi izan dute jihadismo globalari buruzko eztabaida. Sakoneko azterketa saihestu nahian, testuingururik gabeko kontakizun apolitiko eta sentsazionalista ezarri nahi izan dute agintari  gehienek eta menpeko hedabideek; Rambletan edo Ripollen gertatutakoa zerutik eroritako zerbait bailitzan.


2017-09-03 | Itxaro Borda
Bartzelona: "No en el meu nom"

Freddy Mercury eta Montserrat Caballé irudikatu ditut abuztuaren 17ko gauaren minean, Rambla gainetan eta Cambrilsko itsasertzean, No tinc por bi bozetan kantatzen. Mina hazi zait bihotzaren sakonean: masa hilketen zerrenda emendatzen ari da, Parisko Charlie Hebdo-ren kontrako sarraskiaz geroztik. Noski, badakit, munduan barna, erailketa zakar askoz gehiago badela, baina bakoitzak bereak ditu negarreztatzen, bakarraren doluak guztiena ordezkatzen ahal duelako.

Jihadistak hain gazteak... [+]


Faxismoaren beldur barik

No tinc por atera zitzaion eztarritik Bartzelonan herritar bati. Deiadarra sentimendu askoren katalizatzaile izateaz gain, bizi dugun garai nahasien isla ere bada.


Gaizkiaren aurreko hutsalkeria edo 'Alba Rico - Graupera' auzia

Katalunian 2017ko abuztuaren 17an gertatutako erailketa masiboak direla kausa, zenbait hausnarpen idazteari ekin diot, batik bat bi artikulugile irakurri ondoren: Santiago Alba Rico eta Jordi Graupera. Alde batetik, biok filosofoak dira, eta eskarmentua daukate azterketa politikoetan.


2017-08-24 | Juan Mari Arregi
Jihadismoa: erraietatik irtendako erreakziotik harago

Katalunian izandako azken gertaerek, Bartzelona eta Cambrilsen komando jihadista batek egindako atentatu hilgarrien ondoren, azterketa politiko objektiboa behar dute, lasaia eta itsutasunik gabea. Astakeriaren aurrean, erraietatik irtendako erreakzioak saihestu behar dira, agian denok baitugu jihadismoa deituriko munstro hori sortzearen ardura pixka bat, batez ere Mendebaldeko gobernuek.


2017-08-24 | Xabier Letona
Espainia eta Katalunia atentatuen ispiluan

Atentatuen izaera eta ondorioez gain, bada galdera bat etengabe dabilena auzi honen bueltan: nola eragingo dio honek prozesu independentistari? Nola urriaren 1eko erreferendumari? Denborak erantzungo du zehatzago, baina dagoeneko ez da zalantzarik eragiten ari dela, egunero, sakon eta atentatua ardatz. Gai ugaritan ikusi da, lehen orduetatik gainera.


2017-08-24 | ARGIA
"Saudiarren diplomazia erlijioso militarizatuak mundua mehatxatzen du"

Pierre Conesa (1948) Frantziako Defentsa ministerioko goi-funtzionario erretretaduna elkarrizketatu du Afrique-Asie hilabetekariak uztail-abuztuko zenbakian, Bartzelonako gertakizunak baino lehen. Pasarte txiki bat euskaratu dugu, non Afganistango gerratik gaur arte luzatu den gatazkaren gakoez ari den. Conesaren azken liburua da Docteur Saoud et Mister Djihad : la diplomatie religieuse de l'Arabie saoudite.


2017-08-24 | ARGIA
Espainiako Poliziak 2015ean jihadistei ohartarazi zien Mossoak atzetik zituztela, Kataluniako Poliziak salatu zuenez

2015ean talde jihadista bat desegin zuten Esquadra Mossoek eta operazio horrek agerian utzi zuen Espainiako Poliziaren etsaigoa Kataluniako Polizia autonomikoarekin.


Fiteron hiru adingabe marokoar jipoitu dituztelakoan atxilotuak, karguekin aske

Usteko erasotzaileak 18 eta 55 urteko bi gizonezko dira. Erasoa pairatu zutenak, 13 eta 17 urte arteko hiru gaztetxo. Bartzelonako eta Cambrilsgo biktimen omenezko minutu bateko isilunearen ondotik gertatu zen erasoa.


Azkenak
EGILEA
Eguneraketa berriak daude