Aste honetan jakin da notizia: Espainiako Auzitegi Nazionalak artxibatu egin du “Pandora operazioa”ren kausa. Operazio horren barruan Bartzelonako kolektibo anarkistekin zerikusia zeukaten hainbat lagun atxilotu zituzten.
Ia hiru urte pasa dira Espainiako Auzitegi Nazionalaren aginduz, Esquadra Mossoek Bartzelonako mugimendu libertarioaren aurkako operazioari ekin ziotenetik.
Kasa de la Muntanya, 25 urte okupatuta zeramatzan etxe historikoa, Poble Sec eta San Andreuko ateneoak eta hamabost etxebizitza partikular inguru miatu zituzten 2014ko abendu hasieran: hamaika atxilotu guztira.
Hilabete berean jakin zen Javier Gomez Bermudez epaileak “erakunde terroristako kide” izatea leporatuta hamaika horietatik zazpi kartzelara bidali zituela.
2014 amaierako atxiloketen ondoren, bigarren razzia bat egin zuten Esquadra Mossoek hurrengo urteko urrian.
Maiatzaren 30ean jakin denez, Espainiako Auzitegi Nazionalak ez du auzi horiekin aurrera jarraituko. Horrenbestez, bukatutzat eman daiteke “Pandora operazioa”ren kasua.
Lehenbiziko atxilotuek orain jakin dute auzia artxibatuko dela. Bigarren operaziokoek berriz, iazko ekainean jaso zuten albiste bera.
Jasaten ari den isolamendu-erregimena salatzeko ekin zion gose grebari Cospitok. Erroman, presoarekin elkartasunez, protestak izan ziren larunbatean, eta 40 pertsona atxilotu zituzten polizia-indarrek.
Bartzelona, 1902ko abuztuaren 1a. Lola Iturbe Arizcuren anarkista eta feminista aitzindaria jaio zen. CNTko kidea eta Mujeres Libres erakundeko sortzaileetako bat, 1936ko Espainiako Gerra amaitzean Frantziara alde egin zuen eta han Erresistentzian parte hartu zuen. Franco... [+]
Voltairine de Cleyre (1866-1912) XX. mendeko mugimendu anarkista eta feministako emakume garrantzitsuenetariko bat izan zen, Emma Goldmanekin batera. Feminismoa boto-eskubidearen aldeko borrokara mugatzen zen garaian, Cleyrek bide berriak ireki zituen eta gaur eguneraino iraun... [+]
Poltsatik objektuak atera ahala, hitzaldira gerturatutako pertsonen begirada arretatsuaren pean ari da horiek kokatzen hizlarietako bat. Ur botila eta mukizapi pakete bat bazter batean, eta parez pare, distantzia dezentera, fruitu lehor poltsa eta hortzetako eskuila. Erdian,... [+]
Sergio Balchada Outeiralek liburua argitaratu du Gerra Zibilean alde errepublikarrean borrokatu zuten galiziarrei buruz. Horietako asko Amurrion egon ziren, Bakunin Batailoian. Bere presentziak amurrioarren arreta erakarri zuen, praktikatzen zuten ateismoak talka egiten baitzuen... [+]